Blueberry Leaf Cardigan |
||||||||||||||||||||||
|
|
|||||||||||||||||||||
Prjónuð peysa úr DROPS Sky eða DROPS Merino Extra Fine. Stykkið er prjónað ofan frá og niður með hringlaga berustykki, gatamynstri, I-cord og stuttum ermum. Stærð S - XXXL.
DROPS 249-10 |
||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 til A.6. Mynsturteikning sýnir allar umferðir í mynstri séð frá réttu. HNAPPAGAT: Fellið af fyrir hnappagötum í hægri kanti að framan (séð þegar flíkin er mátuð). Fellið af frá réttu þegar 5 lykkjur eru eftir á prjóni þannig: Sláið 1 sinni uppá prjóninn, prjónið 2 næstu lykkjur slétt saman, 1 lykkja slétt, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. Í næstu umferð (ranga) er uppslátturinn prjónaður slétt, svo það myndist gat. Fellið af fyrir fyrsta hnappagatinu þegar kantur í hálsmáli mælist ca 2 cm frá uppfitjunarkanti. Fellið síðan af fyrir 4-4-5-5-5-5 næstu hnappagötum með ca 9-9½-8-8½-9-9 cm á milli hnappagata – neðsta hnappagatið er staðsett ca í skiptingunni á milli sléttprjóns og stroffs. ÚTAUKNING (jafnt yfir): Til þess að reikna út hvernig auka eigi jafnt út, teljið fjölda lykkja í umferð mínus kantlykkjur að framan (t.d. 122 lykkjur) og deilið þeim lykkjum sem eftir eru með fjölda útaukninga sem á að gera (t.d. 29) = 4,2. Í þessu dæmi er aukið út á eftir ca 4. hverja lykkju með því að slá 1 sinni uppá prjóninn. Í næstu umferð er uppslátturinn prjónaður snúinn brugðið, svo ekki myndist gat. KANTUR AÐ FRAMAN MEÐ I-CORD: Í BYRJUN UMFERÐAR: Prjónið kant að framan þannig: Lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt og 4 lykkjur í garðaprjóni. Í LOK UMFERÐAR: Prjónið kant að framan þannig: Prjónið þar til 6 lykkjur eru eftir í umferð, prjónið 4 lykkjur í garðaprjóni, lyftið 1 lykkju af prjóni eins og prjóna eigi brugðið með þráðinn framan við stykkið, prjónið 1 lykkju slétt. Prjónið á sama hátt bæði frá réttu og frá röngu. ÚRTAKA (á við um mitt undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Hálsmál og berustykki er prjónað fram og til baka á hringprjón frá miðju að framan og er prjónað ofan frá og niður. Þegar berustykki hefur verið prjónað til loka er lykkjum skipt fyrir fram- og bakstykki og ermar. Fram- og bakstykki er prjónað til loka niður á við fram og til baka á hringprjóna, á meðan ermar eru látnar bíða. Ermar eru síðan prjónaðar niður á við í hring á sokkaprjóna / hringprjóna. KANTUR Í HÁLSMÁLI: Fitjið upp 134-138-142-146-154-162 lykkjur á hringprjón 3 með DROPS Sky eða DROPS Merino Extra Fine. Stykkið er prjónað fram og til baka frá miðju að framan. Næsta umferð er prjónuð frá réttu þannig: prjónið 6 KANTLYKKJUR AÐ FRAMAN MEÐ I-CORD – lesið útskýringu að ofan, prjónið stroff (2 lykkjur slétt / 2 lykkjur brugðið) þar til 8 lykkjur eru eftir, 2 lykkjur slétt og 6 kantlykkjur að framan með I-cord. Haldið svona áfram fram og til baka, þegar stykkið mælist 2 cm er fellt af fyrir HNAPPAGAT – lesið útskýringu að ofan. Haldið áfram fram og til baka þar til stroffið mælist 3 cm. Í næstu umferð frá réttu eru allar lykkjur í einingu með 2 lykkjur brugðið auknar út til 3 lykkjur brugðið – aukið út með því að slá 1 sinni uppá prjóninn á milli 2 lykkjur brugðið sem prjónað er snúið í næstu umferð = 164-169-174-179-189-199 lykkjur. Prjónið síðan með kantlykkjum að framan eins og áður og stroff (2 lykkjur slétt / 3 lykkjur brugðið) þar til kantur í hálsmáli mælist alls 5 cm og síðasta umferð er prjónuð frá röngu. Setjið 1 merki mitt að aftan, berustykkið er mælt frá þessu merki. BERUSTYKKI: Skiptið yfir á hringprjón 4. Prjónið fram og til baka í sléttprjóni með kantlykkjum að framan eins og áður, jafnframt í fyrstu umferð (frá réttu) er aukið út um 29-34-39-44-44-54 lykkjur jafnt yfir (lykkjum er ekki aukið út yfir kanta að framan) – lesið ÚTAUKNING = 193-203-213-223-233-253 lykkjur. Prjónið þar til stykkið mælist 3 cm frá merki mitt að aftan. ATHUGIÐ PRJÓNFESTUNA! Prjónið næstu umferð frá réttu þannig: Prjónið 6 kantlykkjur að framan eins og áður, prjónið A.1 þar til 7 lykkjur eru eftir, prjónið 1 lykkju eins og 1. lykkja í A.1 og 6 kantlykkjur að framan eins og áður. Þegar A.1 hefur verið prjónað til loka á hæðina eru 229-241-253-265-277-301 lykkjur í umferð. Prjónið næstu umferð frá réttu þannig: 6 kantlykkjur að framan eins og áður, A.2, prjónið A.3 þar til 13 lykkjur eru eftir, A.4 og 6 kantlykkjur að framan eins og áður. Þegar A.2 til A.4 hefur verið prjónað til loka á hæðina eru 265-279-293-307-321-349 lykkjur í umferð. Prjónið næstu umferð frá réttu þannig: 6 kantlykkjur að framan eins og áður, prjónið A.5 þar til 7 lykkjur eru eftir, prjónið 1 lykkju eins og 1. lykkja í A.5 og 6 kantlykkjur að framan eins og áður. Þegar A.5 hefur verið prjónað til loka á hæðina eru 283-298-313-328-343-373 lykkjur í umferð. Stykkið mælist ca 12 cm frá merki mitt að aftan. Nú eru kantlykkjur að framan prjónaðar eins og áður og sléttprjón, jafnframt því í fyrstu umferð frá réttu er aukið út um 12-17-21-32-38-35 lykkjur jafnt yfir – munið eftir ÚTAUKNING = 295-315-334-360-381-408. Prjónið síðan eins og áður þar til stykkið mælist 15-15-16-17-17-18 cm frá merki, í næstu umferð frá réttu, aukið út 13-17-22-32-39-36 lykkjur jafnt yfir = 308-332-356-392-420-444 lykkjur. Prjónið síðan kantlykkjur að framan og sléttprjón þar til stykkið mælist 18-19-21-22-23-25 cm frá merki. Nú skiptist stykkið fyrir fram- og bakstykki og ermar þannig: Prjónið fyrstu 51-55-58-63-69-74 lykkjur eins og áður (framstykki), setjið næstu 58-62-68-76-78-80 lykkjur á þráð fyrir ermi, fitjið upp 10-10-12-12-14-16 nýjar lykkjur í umferð (í hlið undir ermi), prjónið 90-98-104-114-126-136 lykkjur sléttprjón (bakstykki), setjið næstu 58-62-68-76-78-80 lykkjur á þráð fyrir ermi, fitjið upp 10-10-12-12-14-16 nýjar lykkjur í umferð (í hlið undir ermi) og prjónið síðustu 51-55-58-63-69-74 lykkjur eins og áður (framstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 212-228-244-264-292-316 lykkjur. Prjónið sléttprjón og kant að framan eins og áður þar til stykkið mælist 14-15-15-15-16-16 cm frá skiptingunni. Í næstu umferð frá réttu er aukið út um 38-42-46-50-54-58 lykkjur jafnt yfir (lykkjum er ekki aukið út yfir kanta að framan) = 250-270-290-314-346-374 lykkjur. Skiptið yfir á hringprjón 3. Nú er prjónað stroff, fyrsta umferð er frá röngu: 6 kantlykkjur að framan eins og áður, prjónið stroff (2 lykkjur brugðið / 2 lykkjur slétt) þar til 8 lykkjur eru eftir, 2 lykkjur brugðið og 6 kantlykkjur að framan eins og áður. Haldið áfram þar til stroffið mælist 6 cm. Fellið af. Peysan mælist ca 44-46-48-50-52-54 cm frá öxl. ERMAR: Setjið 58-62-68-76-78-80 lykkjur af þræði í annarri hlið á sokkaprjóna / hringprjóna 4 og prjónið einnig upp 1 lykkju í hverja af 10-10-12-12-14-16 lykkjum sem fitjaðar voru upp í hlið undir ermi = 68-72-80-88-92-96 lykkjur. Setjið 1 merkiþráð í miðju á 10-10-12-12-14-16 nýjum lykkjum undir ermi (mitt undir ermi), merkiþráðurinn er notaður þegar fækka á lykkjum undir ermi. Byrjið umferð við merkiþráðinn. Prjónið sléttprjón hringinn, JAFNFRAMT þegar ermin mælist 3 cm frá skiptingunni, fækkið um 2 lykkjur mitt undir ermi – lesið ÚRTAKA (lykkjum er ekki fækkað í stærð XXL og XXXL). Fækkið lykkjum svona í hverjum 2-1-1-1½-0-0 cm alls 2-2-2-2-0-0 sinnum = 64-68-76-84-92-96 lykkjur. Prjónið þar til ermin mælist 10-9-8-8-7-5 cm frá skiptingunni. Nú eru eftir ca 6 cm að loka máli. Mátið e.t.v. peysuna og prjónið að óskaðri lengd á ermi. Prjónið 1 umferð slétt þar sem aukið er út um 8-12-12-16-16-20 lykkjur jafnt yfir = 72-80-88-100-108-116 lykkjur. Skiptið yfir á sokkaprjóna 3 og prjónið stroff (2 lykkjur slétt / 2 lykkjur brugðið) í 6 cm. Fellið af. Ermin mælist ca 16-15-14-14-13-11 cm frá skiptingunni. FRÁGANGUR: Saumið tölur í vinstri kant að framan. |
||||||||||||||||||||||
Skýringar á teikningu |
||||||||||||||||||||||
|
||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (3)
Juliane wrote:
Meine Frage bezieht sich auf den I-cord. Wenn in der Anleitung geschrieben ist, auf der Rückreihe 4 m kraus rechts, 1 M wie zum Linksstricken abheben und zuletzt eine rechte Masche stricken, bedeutet das, dass die letzte Masche LINKS gestrickt werden muss, damit sie auf der Vorderseite rechts erscheint?
28.04.2024 - 16:09DROPS Design answered:
Liebe Juliane, diese Masche wird rechts gestrickt, siehe auch dieses Video (time code 0:55 z.B.). Viel Spaß beim Stricken!
29.04.2024 - 09:38Nekkache wrote:
Bonsoir. Que veut dire i-cor dans vos explications ? Dans l'attente de vous lire. Cordialement
28.03.2024 - 19:57DROPS Design answered:
Bonjour Mme Nekkache, la bordure I-cord se tricote en début de rang/en fin de rang sur l'endroit/sur l'envers comme indiqué sous BORDURE DEVANT AVEC I-CORD: et comme le montre cette vidéo. Bon tricot!
02.04.2024 - 13:58Hanna wrote:
Dreamy muscari
21.01.2024 - 16:10