Old Mill Pullover |
||||||||||||||||
|
|
|||||||||||||||
Prjónuð peysa úr DROPS Karisma eða DROPS Merino Extra Fine. Stykkið er prjónað ofan frá og niður með norrænu mynstri. Stærð S - XXXL.
DROPS 197-4 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Sjá mynsturteikningu A.1 og A.2. Veldu mynsturteikningu fyrir þína stærð (á við um A.2). Mynsturteikning sýnir allar umferðir í mynstri séð frá réttu. ÚTAUKNING-1 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 99 lykkjur) og deilið þessum fjölda með fjölda útaukninga sem á að gera (t.d. 29) = 3,4. Í þessu dæmi er aukið út með því að slá 1 sinni uppá prjóninn til skiptis á eftir ca 3. og 4. hverja lykkju. Í næstu umferð er uppslátturinn prjónaður snúinn svo ekki myndist gat. UPPHÆKKUN (aftan í hnakka): Hoppið yfir þennan kafla ef ekki er óskað eftir upphækkun. Setjið 1 merkiþráð í byrjun á umferð (= miðja að aftan). Byrjið frá réttu með litnum ljós eik og prjónið 16-17-18-19-20-21 lykkjur slétt framhjá merkiþræði, snúið, herðið á þræði og prjónið 32-34-36-38-40-42 lykkjur brugðið. Snúið, herðið á þræði og prjónið 48-51-54-57-60-63 lykkjur slétt, snúið, herðið á þræði og prjónið 64-68-72-76-80-84 lykkjur brugðið. Snúið, herðið á þræði og prjónið 80-85-90-95-100-105 lykkjur slétt, snúið, herðið á þræði og prjónið 96-102-108-114-120-126 lykkjur brugðið. Snúið, herðið á þræði og prjónið sléttar lykkjur til baka að miðju að aftan. Síðan er prjónað BERUSTYKKI eins og útskýrt er í uppskrift. LEIÐBEININGAR: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum á bakhlið á stykki. Skiptið e.t.v. yfir á grófari prjóna þegar mynstrið er prjónað ef það herpist saman. LASKALÍNA: Aukið út fyrir laskalínu hvoru megin við 4 prjónamerki þannig: Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett mitt á milli þessa 2 lykkja), sláið 1 sinni uppá prjóninn. Í næstu umferð (ranga) er uppslátturinn prjónaður brugðið svo ekki myndist gat. Prjónið síðan útauknar lykkjur í sléttprjóni. ÚTAUKNING-2 (á við um hliðar á fram- og bakstykki): Prjónið þar til 3 lykkjur eru eftir á undan prjónamerki, sláið 1 sinni uppá prjóninn, prjónið 6 lykkjur slétt (prjónamerki er staðsett mitt á milli þessa 6 lykkja), sláið 1 sinni uppá prjóninn (= 2 lykkjur fleiri). Í næstu umferð (ranga) er uppslátturinn prjónaður snúinn brugðið svo ekki myndist gat. Prjónið síðan útauknar lykkjur í sléttprjóni. ÚRTAKA-1 (á við um miðju undir ermum): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA – STUTT ÚTSKÝRING Á STYKKI: Kantur í hálsmáli, berustykki og fram- og bakstykki er prjónað í hring á hringprjón, ofan frá og niður. Ermar eru prjónaðar í hring á hringprjón/sokkaprjóna, ofan frá og niður. KANTUR Í HÁLSMÁLI: Fitjið upp 99-102-108-114-117-123 lykkjur á hringprjón 3,5 með litnum ljós eik. Prjónið 1 umferð slétt. Prjónið síðan A.1 hringinn þar kantur í hálsmáli mælist 3 cm frá uppfitjunarkanti. Prjónið 1 umferð slétt frá réttu þar sem aukið er út um 29-34-36-38-35-37 lykkjur jafnt yfir – sjá ÚTAUKNING-1= 128-136-144-152-152-160 lykkjur. Skiptið yfir á hringprjón 4 og prjónið 1 umferð slétt. Hún er hægt að prjóna upphækkun aftan í hnakka þannig að berustykki verði aðeins hærra á bakstykki. Hægt er að sleppa þessari upphækkun, þá verður hálsmálið alveg eins að framan og að aftan – prjónið UPPHÆKKUN – sjá útskýringu að ofan, eða farið beint áfram í BERUSTYKKI. BERUSTYKKI: Lesið LEIÐBEININGAR! Prjónið A.2 hringinn (= 16-17-18-19-19-20 mynstureiningar með 8 lykkjum). JAFNFRAMT í hverri umferð merktri með ör í A.2 er aukið út jafnt yfir eins og útskýrt er að neðan – sjá ÚTAUKNING-1 og ATHUGIÐ PRJÓNFESTUNA! Í umferð merktri með ör-1 er aukið út um 24-32-32-32-40-40 lykkjur jafnt yfir = 152-168-176-184-192-200 lykkjur (nú er pláss fyrir 19-21-22-23-24-25 mynstureiningar með 8 lykkjum). Í umferð merktri með ör-2 er aukið út um 24-24-24-32-40-40 lykkjur jafnt yfir = 176-192-200-216-232-240 lykkjur (nú er pláss fyrir 22-24-25-27-29-30 mynstureiningar með 8 lykkjum). Í umferð merktri með ör-3 er aukið út um 24-24-24-32-32-32 lykkjur jafnt yfir, passið uppá að auka út í einingu með grunnlit svo að mynsturborðinn færist ekki til = 200-216-224-248-264-272 lykkjur (nú er pláss fyrir 25-27-28-31-33-34 mynstureiningar með 8 lykkjum). Í umferð merktri með ör-4 er aukið út um 24-24-24-24-24-24 lykkjur jafnt yfir = 224-240-248-272-288-296 lykkjur (nú er pláss fyrir 28-30-31-34-33-34 mynstureiningar með 8 lykkjum). Í umferð merktri með ör-5 er aukið út um 22-18-18-22-18-10 lykkjur jafnt yfir =246-258-266-294-306-306 lykkjur. Prjónið A.2 til loka. Stykkið mælist nú ca 18-18-18-21-21-21 cm frá uppfitjunarkanti við miðju að framan. Setjið 4 prjónamerki í stykkið þannig (þetta er gert án þess að prjóna lykkjurnar): 1. prjónamerki er sett á eftir fyrstu 40-41-42-47-51-53 lykkjur (= ½ bakstykki), 2. prjónamerki er sett á eftir næstu 44-48-50-54-52-48 lykkjur (= ermi), 3. prjónamerki er sett á eftir næstu 79-81-83-93-101-105 lykkjur (= framstykki) og 4. prjónamerki er sett á eftir næstu 44-48-50-54-52-48 lykkjur (= ermi). Nú eru 39-40-41-46-50-52 lykkjur á eftir síðasta prjónamerki (= ½ bakstykki). Prjónamerkin eru notuð þegar aukið er út fyrir laskalínu. Haldið áfram í sléttprjóni og með litnum ljós eik. JAFNFRAMT í næstu umferð er aukið út fyrir LASKALÍNA hvoru megin við 4 prjónamerkin – sjá útskýringu að ofan = 8 lykkjur fleiri. Aukið svona út í annarri hverri umferð alls 5-8-10-10-12-15 sinnum = 286-322-346-374-402-426 lykkjur. Prjónið síðan án útaukningar þar til stykkið mælist 21-23-25-27-29-31 cm frá uppfitjunarkanti við miðju að framan. Næsta umferð er prjónuð þannig: Prjónið 45-49-52-57-63-68 lykkjur sléttprjón (= ½ bakstykki), setjið næstu 54-64-70-74-76-78 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi), prjónið 89-97-103-113-125-135 lykkjur sléttprjón (= framstykki), setjið næstu 54-64-70-74-76-78 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi) og prjónið þær 44-48-51-56-62-67 lykkjur sem eftir eru í sléttprjóni (= ½ bakstykki). Fram- og bakstykki og ermar er prjónað til loka hvert fyrir sig. HÉÐAN ER NÚ MÆLT! FRAM- OG BAKSTYKKI: = 194-210-226-246-274-298 lykkjur. Setjið 1 prjónamerki í hvora hlið, þ.e.a.s. mitt í 8-8-10-10-12-14 lykkjur sem fitjaðar voru upp undir ermum og látið prjónamerkin fylgja með áfram í stykkinu. Prjónamerkin eru notuð síðar þegar auka á út í hvorri hlið á fram- og bakstykki Haldið áfram hringinn með litnum ljós eik. Þegar stykkið mælist 4 cm frá skiptingu er aukið út um 1 lykkju hvoru megin við bæði prjónamerkin – lesið ÚTAUKNING-2 = 4 lykkjur fleiri. Aukið svona út með 8 cm millibili alls 4 sinnum í hvorri hlið = 210-226-242-292-290-314 lykkjur. Prjónið síðan áfram þar til stykkið mælist 33 cm frá skiptingu í öllum stærðum. Prjónið 1 umferð slétt og aukið um 33-35-37-41-46-49 lykkjur jafnt yfir = 243-261-279-303-336-363 lykkjur. Skiptið yfir á hringprjón 3,5 og prjónið A.1 hringinn í 3 cm. Fellið síðan laust af með sléttum lykkjum. Peysan mælist ca 60-62-64-66-68-70 cm frá öxl og niður. ERMI: Setjið 54-64-70-74-76-78 lykkjur af þræði í annarri hlið á stykki á stuttan hringprjón eða sokkaprjón 4 og prjónið að auki upp með litnum ljósri eik, 1 lykkju í hverja af 8-8-10-10-12-14 lykkjum sem fitjaðar voru upp undir ermi = 62-72-80-84-88-92 lykkjur. Setjið 1 prjónamerki mitt í 8-8-10-10-12-14 lykkjur undir ermi og látið prjónamerkið fylgja áfram með í stykkinu. Prjónamerki á að nota síðar þegar fækka á lykkjum mitt undir ermi. Byrjið umferð við prjónamerki og prjónið sléttprjón hringinn. Þegar stykkið mælist 2 cm frá skiptingu er fækkað um 2 lykkjur mitt undir ermi – lesið ÚRTAKA-1. Fækkið lykkjum svona með 1 cm millibili alls 0-0-4-6-8-12 sinnum, með 2 cm millibili alls 3-7-6-12-11-8 sinnum og síðan með 4-3-2½-0-0-0 cm millibili alls 7-7-7-0-0-0 sinnum = 42-44-46-48-50-52 lykkjur. Prjónið áfram þar til ermin mælist 38-37-35-33-32-30 cm frá skiptingu (styttra mál í stærri stærðum vegna lengra berustykkis). Prjónið 1 umferð slétt þar sem aukið er út um 6-4-5-6-4-5 lykkjur jafnt yfir = 48-48-51-54-54-57 lykkjur. Skiptið yfir á sokkaprjón 3,5 og prjónið A.1 hringinn (= 16-16-17-18-18-19 mynstureiningar með 3 lykkjum). Haldið svona áfram með mynstur þar til kanturinn mælist 6 cm. Fellið laust af með sléttum lykkjum. Ermin mælist ca 44-43-41-39-38-36 cm frá skiptingu. Prjónið hina ermina á sama hátt. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (23)
Karina wrote:
Er det riktig at det skal økes når det strikkes mønster - pil 3 på mønsteret?
11.08.2018 - 11:28DROPS Design answered:
Hei Karina. Ja, det skal økes på omgangen med pil 3. Bare sørg for at du øker med bunnfargen slik at ikke mønsteret forskyves. Ellers strikkes det som anvist i diagrammet. God fornøyelse.
17.08.2018 - 10:46Sheila wrote:
Really like neckline and the yoke design
04.07.2018 - 18:26Sheila wrote:
Really like the neckline and the yolk design
04.07.2018 - 18:23