Afternoon in Provence |
|||||||||||||
|
|
||||||||||||
Prjónuð peysa úr DROPS Alpaca og DROPS Kid-Silk. Stykkið er prjónað ofan frá og niður með tvöföldum kanti í hálsmáli, gatamynstri, blöðruermum og klauf í hliðum. Stærð S - XXXL.
DROPS 250-5 |
|||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1. Veldu mynsturteikningu fyrir þína stærð. Mynsturteikning sýnir allar umferðir í mynstri séð frá réttu. Jafnóðum sem lykkjum er aukið út fyrir laskalínu, eru nýjar lykkjur prjónaðar inn á ermum í mynstri eins og útskýrt er í A.1, þ.e.a.s. lykkjur eru prjónaðar í sléttprjóni þar til nægilega margar lykkjur eru í heilt gatamynstur. Lykkjur sem ekki ganga jafnt upp í mynstri þegar aukið er út, eru prjónaðar í sléttprjóni. ATH: Þegar útaukning á ermum fer frá annarri hverri umferð til 4. hverrar umferðar, þá kemur mynstrið ekki til með fylgja lengur mynsturteikningu. Passið uppá að mynstrið haldi áfram rétt á hæðina. LASKALÍNA: Öll útaukning er gerð frá réttu! Aukið út um 1 lykkju á undan/eftir 4 lykkjum með merki í hverri skiptingu á milli framstykkis/bakstykkis og erma (í mynstri kallast þessar lykkjur laskalínulykkjur og laskalínulykkjur eru prjónaðar í sléttprjóni). Aukið út um 1 lykkju með því að slá 1 sinni uppá prjóninn, í næstu umferð er uppslátturinn prjónaður eins og útskýrt er að neðan. FRÁ RÖNGU: UPPSLÁTTURINN ER PRJÓNAÐUR Á UNDAN LASKALÍNULYKKJU ÞANNIG: Prjónið uppsláttinn snúinn í aftari lykkjubogann. Það á ekki að myndast gat. UPPSLÁTTURINN ER PRJÓNAÐUR Á EFTIR LASKALÍNULYKKJU ÞANNIG: Lyftið uppslættinum af vinstri prjóni og setjið til baka yfir á vinstri prjón, en í gagnstæða átt (stingið vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. FRÁ RÉTTU: UPPSLÁTTURINN ER PRJÓNAÐUR Á UNDAN LASKALÍNULYKKJU ÞANNIG: Lyftið uppslættinum af vinstri prjóni og setjið til baka yfir á vinstri prjón, en í gagnstæða átt (stingið vinstri prjóni aftan frá þegar uppslátturinn er settur til baka á prjóninn). Prjónið uppsláttinn brugðið í fremri lykkjubogann. Það á ekki að myndast gat. UPPSLÁTTURINN ER PRJÓNAÐUR Á EFTIR LASKALÍNULYKKJU ÞANNIG: Prjónið uppsláttinn snúinn í aftari lykkjubogann. Það á ekki að myndast gat. ÚTAUKNING: Aukið út um 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Síðan eru nýjar lykkjur prjónaðar í sléttprjóni. ÚRTAKA (á við um mitt undir ermum): Fækkið um 1 lykkju hvoru megin við merkiþráð þannig: Prjónið þar til 3 lykkjur eru eftir á undan merkiþræði, prjónið 2 lykkjur slétt saman, 2 lykkjur slétt (merkiþráðurinn situr á milli þessa 2 lykkja), lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Í mynstrinu hafa verið notaðir stuttir og langir prjónar, byrjið á lengdinni sem passar og skiptið um ef þarf. Fitjið upp lykkjur fyrir hálsmáli, prjónið fram og til baka jafnframt því sem fitjaðar eru upp fleiri lykkjur fyrir hálsmáli við miðju að framan. Þegar prjónað hefur verið yfir allar lykkjur í hálsmáli, er stykkið prjónað í hring ofan frá og niður. Þegar berustykkið hefur verið prjónað til loka, er lykkjunum skipt fyrir fram- og bakstykki og ermar. Fram- og bakstykki er prjónað niður á við í hring á hringprjóna, á meðan ermar eru látnar bíða. Stykkið skiptist fyrir klauf í hvorri hlið, síðan er framstykkið og bakstykkið prjónað til loka fram og til baka hvort fyrir sig. Ermar eru síðan prjónaðar niður á við í hring. Í lokin eru lykkjur teknar upp í kringum hálsmál og kantur í hálsmáli er prjónaður í hring. Kantur í hálsmáli er brotinn tvöfaldur að röngu og saumaður niður. HÁLSMÁL: Fitjið upp 62-62-64-70-70-74 lykkjur á hringprjón 5 með 1 þræði DROPS Alpaca og 1 þræði DROPS Kid-Silk (2 þræðir). Prjónið 1 umferð brugðið frá röngu. Setjið 4 merki og 1 merkiþráð í stykkið þannig: Merkin og merkiþráðurinn er sett í stykkið án þess að prjóna lykkjurnar, merkin eru notuð þegar auka á út fyrir laskalínu, merkiþráðurinn sýnir miðju að aftan. Teljið 1 lykkju (tilheyrir framstykki), setjið 1. merki í næstu lykkju, teljið 15-15-15-17-17-17 lykkjur (ermi), setjið 2. merki í næstu lykkju, teljið 13-13-14-15-15-17 lykkjur (hálft bakstykki), setjið 1 merkiþráð á undan næstu lykkju, teljið 13-13-14-15-15-17 lykkjur (hálft bakstykki), setjið 3. merki í næstu lykkju, teljið 15-15-15-17-17-17 lykkjur (ermi), setjið 4. merki í næstu lykkju. Það er 1 lykkja eftir í umferð á eftir síðasta merki (tilheyrir framstykki). UPPLÝSINGAR ÁÐUR EN PRJÓNAÐ ER ÁFRAM: Prjónið fram og til baka – JAFNFRAMT eru fitjaðar upp nýjar lykkjur fyrir hálsmáli og JAFNFRAMT er aukið út fyrir LASKALÍNA hvoru megin við 4 laskalínulykkjur – lesið útskýringu að ofan. Þegar lykkjur eru prjónaðar, prjónið þær í mynstri þannig: Prjónið sléttprjón á framstykki og bakstykki (á milli 2. og 3. merkis og á milli 4. og 1. merkis) og prjónið MYNSTUR á ermum – lesið útskýringu að ofan (mynsturteikning A.1 er prjónuð á milli 1. og 2. merkis og á milli 3. og 4. merkis). ATHUGIÐ PRJÓNFESTUNA! PRJÓNIÐ FRAM- OG TIL BAKA ÞANNIG: UMFERÐ 1 (rétta): Prjónið sléttprjón og mynsturteikningu A.1 eins og útskýrt er að ofan, aukið út fyrir LASKALÍNA hvoru megin við 4 laskalínulykkjurnar – lesið útskýringu að ofan (= 8 lykkjur fleiri), fitjið síðan upp 2 nýjar lykkjur í lok umferðar fyrir hálsmáli = 72-72-74-80-80-84 lykkjur. UMFERÐ 2 (ranga): Prjónið brugðið (munið eftir að uppslátturinn frá útaukningu er prjónaður snúinn í sitt hvora áttina – lesið útskýringu í LASKALÍNA að ofan), fitjið síðan upp 2 nýjar lykkjur í lok umferðar fyrir hálsmáli = 74-74-76-82-82-86 lykkjur. UMFERÐ 3 (rétta): Prjónið sléttprjón og mynsturteikningu A.1, aukið út fyrir laskalínu hvoru megin við 4 laskalínulykkjurnar (= 8 lykkjur fleiri), fitjið síðan upp 2 nýjar lykkjur í lok umferðar fyrir hálsmáli = 84-84-86-92-92-96 lykkjur. UMFERÐ 4 (ranga): Prjónið brugðið (munið eftir að uppslátturinn er prjónaður snúinn í sitt hvora áttina), fitjið síðan upp 2 nýjar lykkjur í lok umferðar fyrir hálsmáli = 86-86-88-94-94-98 lykkjur. UMFERÐ 5 (rétta): Prjónið sléttprjón og mynsturteikningu A.1, aukið út fyrir lasaklínu hvoru megin við 4 laskalínulykkjur (= 8 lykkjur fleiri), fitjið síðan upp 16-16-18-20-20-24 nýjar lykkjur í lok umferðar fyrir hálsmáli = 110-110-114-122-122-130 lykkjur. Eftir UMFERÐ 5 hefur verið aukið út alls 3 sinnum fyrir laskalínu hvoru megin við 4 laskalínulykkjurnar og HÁLSMÁL hefur nú verið prjónað til loka. Klippið þráðinn. Síðan er stykkið prjónað frá miðju að aftan, færið þess vegna lykkjurnar á vinstri prjóni fram að merkiþræði mitt að aftan yfir á hægri prjón. BERUSTYKKI: Byrjið umferð við merkiþráðinn mitt að aftan, haldið áfram í sléttprjóni á bakstykki / framstykki og A.1 á ermum. Að auki heldur útaukning áfram fyrir laskalínu eins og útskýrt er að neðan. Aukið út fyrir laskalínu hvoru megin við 4 laskalínulykkjurnar í annarri hverri umferð 10-8-13-24-19-23 sinnum til viðbótar (aukið er út alls 13-11-16-27-22-26 sinnum ásamt útaukningu sem var gerð þegar stuttar umferðir voru prjónaðar) = 190-174-218-314-274-314 lykkjur. Útaukning fyrir lasklínu er nú lokið í stærð XL og berustykkið mælist ca 25 cm í XL mælt mitt að aftan. Í öðrum stærðum er síðan prjónað eins og útskýrt er að neðan. Í stærð XL skiptist berustykkið fyrir fram- og bakstykki og ermar eins og útskýrt er aðeins neðar. STÆRÐ S, M, L, XXL og XXXL: Haldið áfram með útaukningu fyrir laskalínu í annarri hverri umferð, en í annað hvert skipti sem aukið er út, aukið einingis út á framstykki/bakstykki. Þ.e.a.s. aukið út á framstykki/bakstykki í annarri hverri umferð og á ermum í 4. hverri umferð (aukið er út til skiptist 4 og 8 lykkjur). ATH: Þegar aukið er út í 4. hverri umferð á ermum, passið uppá að gatamynstrið passi yfir hvert annað á hæðina. Aukið svona út 10-14-10-8-6 sinnum (5-7-5-4-3 sinnum á ermum). Á eftir síðustu útaukningu eru 250-258-278-322-350 lykkjur í umferð og berustykkið mælist ca 21-23-24-27-29 cm mælt mitt að aftan. Nú skiptist berustykkið fyrir fram- og bakstykki og ermar. SKIPTIN FYRIR FRAM- OG BAKSTYKKI OG ERMAR: = 250-258-278-314-322-350 lykkjur. Prjónið fyrstu 38-41-43-48-51-55 lykkjur í sléttprjóni (hálft bakstykki), setjið næstu 49-47-53-61-59-65 lykkjur á þráð fyrir ermi, fitjið upp 8-10-12-12-14-16 nýjar lykkjur í umferð (í hlið undir ermi), prjónið 76-82-86-96-102-110 lykkjur í sléttprjóni (framstykki), setjið næstu 49-47-53-61-59-65 lykkjur á þráð fyrir ermi, fitjið upp 8-10-12-12-14-16 nýjar lykkjur í umferð (í hlið undir ermi) og prjónið síðustu 38-41-43-48-51-55 lykkjur í sléttprjóni (hálft bakstykki). Fram- og bakstykki og ermar er síðan prjónað hvert fyrir sig. Héðan er nú stykkið mælt! FRAM- OG BAKSTYKKI: = 168-184-196-216-232-252 lykkjur. Setjið 1 merkiþráð í hvora hlið á fram- og bakstykki, mitt í 8-10-12-12-14-16 lykkjur sem fitjaðar voru upp undir hvorri ermi. Látið merkiþræðina fylgja áfram með í stykkinu – merkiþræðirnir eru notaðir þegar stykkinu er skipt upp fyrir klauf í hvorri hlið. Prjónið sléttprjón fram að fyrri merkiþræði, umferðin byrjar hér. Prjónið sléttprjón hringinn þar til stykkið mælist 21-21-22-22-22-22 cm frá skiptingu. Nú skiptist stykkið við báða merkiþræðina, þannig að það myndast klauf í hvorri hlið og hvort stykki er prjónað til loka fyrir sig. FRAMSTYKKI: = 84-92-98-108-116-126 lykkjur. Prjónið nú fram og til baka. Í fyrstu umferð (ranga) byrjar stroffið jafnframt því sem aukið er út um 29-33-35-39-41-45 lykkjur jafnt yfir – lesið ÚTAUKNING = 113-125-133-147-157-171 lykkjur, prjónið þannig: Skiptið yfir á hringprjón 3,5, prjónið 2 lykkjur í GARÐAPRJÓN – lesið útskýringu að ofan, prjónið stroff (= 1 lykkja brugðið / 1 lykkja slétt – munið eftir útaukningu) þar til 3 lykkjur eru eftir á prjóni, prjónið 1 lykkju brugðið og 2 lykkjur í garðaprjóni. Þegar stroffið mælist 8 cm, fellið af með ítalskri affellingu eða fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Peysan mælist ca 54-56-58-60-62-64 cm frá öxl og niður. BAKSTYKKI: Prjónið á sama hátt og framstykki. ERMAR: Setjið 49-47-53-61-59-65 lykkjur af þræði í annarri hliðinni á stykki á sokkaprjóna / hringprjóna 5 og prjónið einnig upp 1 lykkju í hverja af 8-10-12-12-14-16 lykkjum sem fitjaðar voru upp undir ermi = 57-57-65-73-73-81 lykkjur. Setjið 1 merkiþráð í miðju á 8-10-12-12-14-16 nýjum lykkjum undir ermi. Byrjið umferð við merkiþráðinn og haldið áfram með A.1 hringinn á erminni. ATH: Passið uppá að mynstrið haldi rétt áfram yfir lykkjur frá berustykki, lykkjur sem ekki ganga jafnt upp í mynstri mitt undir ermi eru prjónaðar í sléttprjóni. Þegar ermin mælist 2 cm frá skiptingunni, fækkið um 2 lykkjur mitt undir ermi – lesið ÚRTAKA. Fækkið lykkjum svona hverjum 2-2-2-1½-1½-1½ cm alls 4-3-5-8-6-8 sinnum = 49-51-55-57-61-65 lykkjur. Prjónið síðan þar til ermin mælist 36-35-34-34-33-31 cm frá skiptingunni. Nú eru eftir 8 cm að loka máli. Mátið e.t.v. peysuna og prjónið að óskaðri lengd á undan stroffi. Í næstu umferð byrjar stroff jafnframt því sem aukið er út um 9-9-7-7-5-3 lykkjur jafnt yfir – munið eftir ÚTAUKNING = 58-60-62-64-66-68 lykkjur, prjónað er þannig: Skiptið yfir á sokkaprjón 3,5, prjónið stroff hringinn (1 lykkja slétt, 1 lykkja brugðið). Þegar stroffið mælist 8 cm, fellið af með ítalskri affellingu eða fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. Ermin mælist ca 44-43-43-42-41-39 cm frá skiptingunni. KANTUR Í HÁLSMÁLI: Byrjið mitt að aftan og prjónið upp frá réttu ca 92-92-96-104-104-112 lykkjur í kringum hálsmál á hringprjón 3,5 með 1 þræði í hvorri tegund (2 þræðir), lykkjufjöldinn verður að vera deilanlegur með 2 og stillið lykkjufjöldann af þannig að laskalínulykkjurnar haldi áfram sem sléttar lykkjur (séð frá réttu) í kanti í hálsmáli og að það sé oddatala á milli hverra laskalínulykkja, þannig að stroffið gangi upp hringinn í hálsmáli. Prjónið stroff hringinn (= 1 lykkja slétt, 1 lykkja brugðið) í 11-11-11-13-13-13 cm. Skiptið yfir á hringprjón 5 og fellið af með sléttum lykkjum. Brjótið niður stroffið efst í hálsmáli að innanverðu að stykki. Saumið stroffið niður þannig að það myndist tvöfaldur kantur í hálsmáli. Til að koma í veg fyrir að kanturinn dragi stykkið saman og beygist út, er mikilvægt að saumurinn sé teygjanlegur. |
|||||||||||||
Skýringar á teikningu |
|||||||||||||
|
|||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (13)
Jacky Schipper wrote:
Heb vraag gesteld over verdelen van voor_en achterpand en mouwen, maar het is me al duidelijk
25.02.2024 - 20:20DROPS Design answered:
Dag Jacky,
Dankjewel voor de terugkoppeling. Mooi dat je nu verder kan; veel breiplezier!
28.02.2024 - 20:26Jacky Schipper wrote:
Ik snap de verdeling niet , ik heb slechts 4 steken voor het voorpand ( in tweede steek markeerdraad, dit hoort bij rechter voorpand), 15 steken mouw, 2 keer 13 voor achterpand en dan weer 15 mouw, 2 steken over voor linkervoorpand. Het is geen vest dus snap linker en rechtervoorpand niet en ik heb bijna geen steken voor het voorpand (totaal 4 als ik de markeerdraad steken mee tel. Klopt dit???
23.02.2024 - 20:40Melanie wrote:
Toller pullover und endlich eine Anleitung mit keinen ausgeleierten Ärmeln und Kragen
13.02.2024 - 11:29Roberta wrote:
This is definitely going to be my next project!!Beautiful!
13.02.2024 - 09:33Rybka wrote:
Orchid Whispers
21.01.2024 - 14:28Nonne wrote:
Lilac
21.01.2024 - 13:24KAROLINA wrote:
SWEET ESCAPE
21.01.2024 - 11:25Aurore wrote:
Champ de lavande
20.01.2024 - 14:54Irene wrote:
Lillà
19.01.2024 - 14:12Lynda Kuit wrote:
Triangular breeze
19.01.2024 - 10:01