Blueberry Fizz |
||||||||||||||||||||||||||||||||||
|
|
|||||||||||||||||||||||||||||||||
Prjónuð peysa og húfa úr DROPS Alpaca. Peysa með hringlaga berustykki, marglitu norrænu mynstri og A-formi, prjónuð ofan frá og niður. Stærð S - XXXL. Húfa með marglitu norrænu mynstri.
DROPS 180-7 |
||||||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar prjónast slétt í öllum umferðum. ÚRTAKA/ÚTAUKNING: Til þess að reikna út hvernig fækka/fjölga eigi jafnt í umferð, teljið fjölda lykkja í umferð (t.d. 120 lykkjur), deilið þessum lykkjufjölda með fjölda úrtöku/útaukninga sem á að gera (t.d. 16) = 7,5. Í þessu dæmi er fækkað með því að prjóna til skiptis ca 6. og 7. hverja lykkju og 7. og 8. hverja lykkju slétt saman. Ef auka á út þá er slegið 1 sinni uppá prjóninn til skiptis á eftir ca 7. og 8. hverja lykkju, í næstu umferð er uppslátturinn prjónaður snúinn inn í mynstur svo ekki myndist gat. UPPHÆKKUN (á við aftan í hnakka á peysu): Setjið 1 prjónamerki í byrjun á umferð = miðja að aftan. Byrjið frá réttu með bleikvínrauður og prjónið sléttar lykkjur þar til prjónaðar hafa verið 8-8-8-9-9-10 lykkjur fram hjá prjónamerki, snúið, herðið á þræði og prjónið 16-16-16-18-18-20 lykkjur brugðið. Snúið, herðið á þræði og prjónið 24-24-24-27-27-30 lykkjur slétt, snúið, herðið á þræði og prjónið 32-32-32-36-36-40 lykkjur brugðið. Haldið áfram fram og til baka með því að prjóna yfir 8-8-8-9-9-10 lykkjur fleiri í hvert skipti sem snúið er við (munið eftir að herða á þræði í hvert skipti sem snúið er) þar til prjónað hefur verið fram og til baka yfir alls 64-64-64-72-72-80 lykkjur og síðasta umferðin er prjónuð frá röngu. Snúið, herðið á þræði og prjónið sléttar lykkjur að miðju að aftan. MYNSTUR: Peysa: Sjá mynsturteikningu A.1. Veljið mynstur fyrir rétta stærð. Húfa: Sjá mynsturteikningu A.2. Allt mynstrið er prjónað í sléttprjóni. LEIÐBEININGAR: Til að koma í veg fyrir að prjónfestan verði of stíf þegar mynstrið er prjónað er mikilvægt að herða ekki á þráðum aftan á stykki. Skiptið e.t.v. yfir á grófari prjóna þegar mynstrið er prjónað ef það strekkist á því. ÚTAUKNING (á við um hliðar á fram- og bakstykki): Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett mitt á milli þessa 2 lykkja), sláið 1 sinni uppá prjóninn (= 2 lykkjur fleiri). Í næstu umferð er uppslátturinn prjónaður snúinn slétt svo að ekki myndist gat. ÚRTAKA (á við um miðju undir ermi): Byrjið 3 lykkjum á undan prjónamerki, prjónið 2 lykkjur slétt saman, 2 lykkjur slétt (prjónamerki er staðsett mitt á milli þessa 2 lykkja), takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð (= 2 lykkjur færri). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað í hring á hringprjón, ofan frá og niður. Ermarnar eru prjónaðar í hring á stuttan hringprjón ofan frá og niður, skiptið yfir á sokkaprjón eftir þörf. KANTUR Í HÁLSIMÁLI: Fitjið upp 120-124-128-136-140-148 lykkjur á hringprjón 2,5 með litnum bleikfjólublár. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið). Þegar stroffið mælist 2-2-2-3-3-3 cm er prjónuð 1 umferð slétt þar sem fækkað er um 16 lykkjur í öllum stærðum jafnt yfir – lesið ÚRTAKA/ÚTAUKNING = 104-108-112-120-124-132 lykkjur. Prjónið síðan berustykki eins og útskýrt er að neðan. BERUSTYKKI: Lesið LEIÐBEININGAR! Skiptið yfir á hringprjón 3. Prjónið 1 umferð slétt. Til að flíkin passi betur er prjónuð UPPHÆKKUN aftan í hnakka – sjá útskýringu að ofan. Þegar upphækkun hefur verið prjónuð til loka er A.1 prjónað hringinn (= 26-27-28-30-31-33 mynstureiningar 4 lykkjur). Haldið svona áfram með mynstur og aukið jafnframt út í hverri umferð merktri með ör í A.1 eins og útskýrt er að neðan – munið eftir ÚRTAKA/ÚTAUKNING og ATHUGIÐ PRJÓNFESTUNA! Ör-1: aukið út 36-40-44-48-52-56 lykkjur jafnt yfir = 140-148-156-168-176-188 lykkjur. Ör-2: aukið út 36-38-40-44-48-50 lykkjur jafnt yfir = 176-186-196-212-224-238 lykkjur. Ör-3: aukið út 28-34-36-40-48-50 lykkjur jafnt yfir = 204-220-232-252-272-288 lykkjur. Ör-4: aukið út 28-34-40-40-44-48 lykkjur jafnt yfir = 232-254-272-292-316-336 lykkjur. Ör-5: aukið út 26-34-34-38-44-48 lykkjur jafnt yfir = 258-288-306-330-360-384 lykkjur. Ör-6: aukið út 26-32-34-38-40-40 lykkjur jafnt yfir = 284-320-340-368-400-424 lykkjur. Ör-7: aukið út 24-28-32-36-40-40 lykkjur jafnt yfir = 308-348-372-404-440-464 lykkjur. Ör-8: aukið út 20-20-28-28-32-32 lykkjur jafnt yfir = 328-368-400-432-472-496 lykkjur. Þegar A.1 hefur verið prjónað til loka mælist stykkið ca 24-24-24-28-28-28 cm frá uppfitjunarkanti við miðju að framan. Prjónið síðan sléttprjón með litnum blár/fjólublár þar til stykkið mælist 24-25-26-28-30-32 cm frá uppfitjunarkanti við miðju að framan (ef prjónfestan passar á hæðina þá hefur þetta mál náð S og XL þegar A.1 hefur verið prjónað til loka). Næsta umferð er prjónuð þannig: Prjónið 49-54-58-64-71-77 lykkjur slétt (= ½ bakstykki), setjið næstu 67-77-85-89-95-95 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi), prjónið næstu 97-107-115-127-141-153 lykkjur slétt (= framstykki), setjið næstu 67-77-85-89-95-95 lykkjur á þráð fyrir ermi, fitjið upp 8-8-10-10-12-14 nýjar lykkjur á prjóninn (= í hlið undir ermi) og prjónið 48-53-57-63-70-76 lykkjur sem eftir eru slétt (= ½ bakstykki). Klippið frá. Fram- og bakstykki og ermar er prjónað til loka hvert fyrir sig. HÉÐAN ER NÚ MÆLT! FRAM- OG BAKSTYKKI: = 210-230-250-274-306-334 lykkjur. Setjið 1 prjónamerki mitt í 8-8-10-10-12-14 lykkjur sem fitjaðar voru upp undir ermi í hvorri hlið. Byrjið umferð við eitt af prjónamerkjunum og prjónið sléttprjón í hring með litnum blár/fjólublár. Þegar stykkið mælist 1-1-2-2-2-2 cm frá skiptingu er aukið út um 2 lykkjur í hvorri hlið – lesið ÚTAUKNING (= 4 lykkjur fleiri). Aukið svona út í 8. hverri umferð (með ca 2½ cm millibili) til loka (ef prjónfestan passar á hæðina eru aukið út 13 sinnum í hvorri hlið). Þegar stykkið mælist 32-33-34-34-34-34 cm frá skiptingu eru ca 262-282-302-326-358-386 lykkjur í umferð. Prjónið 8 umferðir garðaprjón hringinn yfir allar lykkjur. Fellið síðan af með sléttum lykkjum, en til að koma í veg fyrir að affellingarkanturinn verði stífur er slegið 1 sinni uppá prjóninn á eftir ca 8. hverja lykkju jafnframt því sem fellt er af (uppslátturinn er felldur af eins og venjuleg lykkja). Peysan mælist ca 58-60-62-64-66-68 cm frá öxl og niður. ERMI: Setjið 67-77-85-89-95-95 lykkjur af þræði í annarri hlið á stykki á stuttan hringprjón 3, prjónið að auki upp 1 lykkju í hverja og eina af 8-8-10-10-12-14 lykkjum sem fitjaðar voru upp undir ermi með blár/fjólublár = 75-85-95-99-107-109 lykkjur. Setjið 1 prjónamerki mitt í 8-8-10-10-12-14 lykkjur undir ermi. Byrjið umferðina hér og prjónið sléttprjón hringinn. Þegar ermin mælist 2-2-2-2-3-3 cm frá skiptingu er fækkað um 2 lykkjur mitt undir ermi- lesið ÚRTAKA. Fækkið lykkjum svona með 2½-2-1½-1½-1-1 cm millibili alls 12-16-19-20-23-23 sinnum = 51-53-57-59-61-63 lykkjur. Prjónið síðan áfram þar til ermin mælist 34-34-33-32-30-28 cm frá skiptingu (styttra mál í stærri stærðum vegna lengra berustykkis). Prjónið 1 umferð slétt þar sem aukið er út um 17-19-19-21-19-21 lykkjur jafnt yfir = 68-72-76-80-80-84 lykkjur. Skiptið yfir á sokkaprjón 2,5 og prjónið stroff hringinn (= 2 lykkjur slétt, 2 lykkjur brugðið). Þegar stroffið mælist 8 cm (eða að óskaðri lengd) er fellt af með sléttum lykkjum yfir sléttar lykkjur og brugðnum lykkjum yfir brugðnar lykkjur, en til að koma í veg fyrir að affellingarkanturinn verði stífur er slegið 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). Ermin mælist ca 42-42-41-40-38-36 cm frá skiptingu. Prjónið hina ermina á sama hátt. ------------------------------------------------------- HÚFA - STUTT ÚTSKÝRING Á STYKKI: Stykkið er prjónað í hring á hringprjón, neðan frá og upp. Skiptið yfir á sokkaprjón eftir þörf. HÚFA: Fitjið upp 128-136 lykkjur á hringprjón 2,5 með litnum bleikfjólublár. Prjónið 1 umferð slétt. Prjónið síðan stroff (= 2 lykkjur slétt, 2 lykkjur brugðið). Þegar stroffið mælist 4 cm er skipt yfir á hringprjón 3. Prjónið 2-4 umferðir sléttprjón – JAFNFRAMT í fyrstu umferð er aukið út um 2-4 lykkjur jafnt yfir = 130-140 lykkjur. Prjónið síðan A.2 (= 13-14 mynstureiningar 10 lykkjur). ATHUGIÐ PRJÓNFESTUNA! Þegar prjónaðar hafa verið 5 umferðir í A.2 eru 156-168 lykkjur í umferð. Í umferð merktri með ör-9 í A.2 er fækkað um 12-16 lykkjur jafnt yfir – lesið ÚRTAKA/ÚTAUKNING = 144-152 lykkjur. Haldið áfram með A.2 (= 18-19 mynstureiningar 8 lykkjur). Þegar A.2 hefur verið prjónað til loka eru 36-38 lykkjur í umferð. Prjónið 1 umferð með litnum blár/fjólublár þar sem allar lykkjur eru prjónaðar slétt saman 2 og 2 = 18-19 lykkjur. Klippið frá, þræðið þráðinn í gegnum þær lykkjur sem eftir eru, herðið á þræði og festið vel. Húfan mælist ca 24-25 cm ofan frá og niður. |
||||||||||||||||||||||||||||||||||
Skýringar á teikningu |
||||||||||||||||||||||||||||||||||
|
||||||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (30)
Cova wrote:
Je ne comprends pas le bas des manches, il est marqué qu'il faut augmenter de 19 mailles juste avant les côtes alors que l'on a diminué tout du long ! Est-ce normal ?
20.09.2017 - 21:12DROPS Design answered:
Bonjour Mme Cova, tout à fait, on évite ainsi que les poignets ne soient trop serrés quand on tricote les côtes. Ces augmentations permettent d'avoir la bonne circonférence en bas des manches. Bon tricot!
21.09.2017 - 09:36Le Breton wrote:
Trop beau ! Me donne envie de me relancer dans le Jaquard. Et j'attends avec impatience les explications.
23.07.2017 - 20:04Judy wrote:
The pattern is beautiful & the colors are yummy!!
15.07.2017 - 23:20Merete Mjøen wrote:
Nydelige farger og mønster! Mitt forslag på navn er Røsslyng.
14.07.2017 - 22:02Kathy wrote:
This is fantastic! Absolutely gorgeous!
30.06.2017 - 18:06Carol wrote:
Me encanta, creo que va a ser un poco dificil para mi, pero aun así lo intentaré.
27.06.2017 - 09:24Plaigle wrote:
Sans doute mon modèle préféré parmi tous ceux proposés. De quoi affronter les rigueurs de l'hiver avec gaieté.
23.06.2017 - 21:22ANNA wrote:
Sarà il mio prossimo lavoro!
08.06.2017 - 09:13Ingerlise Sørbøe wrote:
Høstlyng
06.06.2017 - 11:59AnniePBleau wrote:
Forme simple haut très coquet. Un bien joli modèle que je me lancerais bien à tricoter. Vivement les explications !
06.06.2017 - 09:53