Reindeer Lineup |
|||||||||||||||||||
|
|
||||||||||||||||||
Prjónuð síð peysa með norsku mynstri úr DROPS Karisma og DROPS Puddel. Vettlingar úr DROPS Camelia og hálsklútur úr DROPS Big Bouclé.
DROPS 63-6 |
|||||||||||||||||||
PEYSA: KANTUR: Prjónið 3 cm sléttprjón, 1 umferð brugðna (= uppábrot), 3 cm sléttprjón. MYNSTUR: Mynsturteikning sýnir allar umferðir í mynstri séð frá réttu. Allt mynstrið er prjónað með sléttprjóni. ---------------------------------------------------------- PEYSA: Stykkið er prjónað í hring á hringprjóna á eftir uppábroti og klippt er upp fyrir handveg og við miðju að framan í lokin. FRAM- OG BAKSTYKKI: Fitjið upp 241-255-269 lykkjur (meðtaldar 2 kantlykkjur) á hringprjón 2,5 með koksgráu Karisma. Prjónið 7 umferðir sléttprjón, 1 umferð brugðin (= uppábrot – HÉÐAN ER NÚ MÆLT). Prjónið síðan 7 umferðir sléttprjón. Skiptið yfir á hringprjón 4 og prjónið M.1 hringinn á hringprjóna JAFNFRAMT því sem aukið er út um 3 lykkjur við miðju að framan, þessar 3 lykkjur + 2 kantlykkjur = 5 lykkjur eru til að klippa upp í lokin og eru ekki prjónaðar inn í mynstur = 244-258-272 lykkjur. Eftir M.1 er haldið áfram með M.2 þar til stykkið mælst ca 40-43-46 cm (stillið af eftir M.2 – ca 11-12-13 mynstureiningar á hæðina). ATHUGIÐ PRJÓNFESTUNA! Eftir M.2 er prjónað M.3 og síðan M.4 JAFNFRAMT þegar stykkið mælist 50-52-55 cm (nú eru eftir 0-4-4 umferðir af M.3) prjónið nú næstu umferð þannig: 5 lykkjur til að klippa upp við miðju að framan, 42-56-56 lykkjur framstykki, fellið af 34-14-21 fyrir handveg, 86-112-112 lykkjur bakstykki, fellið af 34-14-21 lykkjur fyrir handveg, 43-57-57 lykkjur framstykki (1 lykkja fleiri á þessu framstykki til að fá mynstrið til að passa við miðju að framan). Í næstu umferð er aukið út um 5 lykkjur yfir þær lykkjur sem felldar voru af í handveg á hvorri hlið (þessar lykkjur eru til að klippa upp í lokin og eru ekki prjónaðar inn í mynstur) = 186-240-240 lykkjur á prjóni. Eftir M.4 er næsta umferð prjónuð þannig: 5 lykkjur til að klippa upp við miðju að framan, M.5 yfir 42-56-56 lykkjur, 5 lykkjur til að klippa upp í hlið, M.5 yfir 86-112-112 lykkjur, 5 lykkjur til að klippa upp í hlið, endið með M.7 yfir þær 43-57-57 lykkjur sem eftir eru. Prjónið síðan M.6. Eftir M.6 eru felldar af 5 lykkjur til að klippa upp við miðju að framan og stykkið er prjónað til loka fram og til baka með koksgráum (nú eru eftir ca 8-8-8 cm). Þegar stykkið mælist 73-76-79 cm prjónið næstu umferð þannig: setjið 21-23-23 lykkjur á band fyrir kraga, fellið af 48-71-71 lykkjur fyrir öxl, setjið 42-46-46 lykkjur á band fyrir kraga, fellið af 49-72-72 lykkjur fyrir öxl, setjið 21-23-23 lykkjur á band fyrir kraga. ERMI: Fitjið upp 49-56-56 lykkjur á sokkaprjón 2,5 með koksgráu Karisma, prjónið 7 umferðir sléttprjón, 1 umferð brugðin (= uppábrot – HÉÐAN ER NÚ MÆLT)! Prjónið 7 umferðir sléttprjón, skiptið yfir á sokkaprjón 4 og haldið áfram með M.1. Prjónið síðan M.2 upp JAFNFRAMT með M.2 er aukið út um 2 lykkjur mitt undir ermi 24-22-22 sinnum til skiptis í 4. og 5. hverri umferð = 97-100-100 lykkjur. Þegar stykkið mælist 42-36-37 cm stillið af eftir M.2 (= ca 12-10-10 mynstureiningar af M.3, nú eru eftir ca 15 cm af ermi) prjónið M.3 og síðan er prjónað til loka með M.6 – JAFNFRAMT þegar stykkið mælist 48,5-48-48 cm skiptist stykkið upp fyrir miðju undir ermi og prjónað er til loka fram og til baka. Þegar stykkið mælist 57-51-52 cm, (það eru prjónaðar ca 11 umferðir af M.6) prjónið 2 cm sléttprjón með röngu út að saum yfir kant sem er klipptur á búk og síðan er fellt af. FRÁGANGUR: Saumið merkiþráð mitt í útauknu lykkjurnar við miðju að framan og á hvorri hlið. Saumið tvo sauma í saumavél sitt hvoru megin við merkiþráðinn ca 1/2 m frá þræði hvoru megin við þráð. Klippið upp fyrir handveg og við miðju að framan. Saumið axlasauma. KRAGI: Setjið inn lykkjur af bandi í kringum háls á hringprjón 4 = 84-92-92 lykkjur. Setjið eitt prjónamerki við miðju að aftan og 1 lykkju í hvora hlið – á öxl. Prjónið sléttprjón (séð frá réttu) með koksgráu Karisma fram og til baka. Þegar stykkið mælist 8-8-8 cm er aukið út hvoru megin við prjónamerkin og á hvorri hlið við miðju að framan (= 8 lykkjur fleiri): 1 lykkja 5 sinnum í 5 hverri umferð = 124-132-132 lykkjur. Þegar kraginn mælist 21-21-21 cm er skipt yfir á sokkaprjón 7 og Puddel (prjónað er fram og til baka) – JAFNFRAMT er fækkað um 60-64-64 lykkjur jafnt yfir = 64-68-68 lykkjur. Prjónið 1 umferð brugðna (= uppábrot – HÉÐAN ER NÚ MÆLT). Haldið áfram með sléttprjón og þegar stykkið mælist 3, 7, 11 og 15 cm er fækkað um 5 lykkjur jafnt yfir = 44-48-48 lykkjur. Fellið af þegar stykkið mælist 22-22-22 cm. Takið upp ca 197-204-210 lykkjur meðfram vinstra framstykki og upp meðfram kraga að uppábroti (þar sem Puddel byrjar) á hringprjón 4 með koksgráu Karisma og prjónið KANTUR – sjá útskýringu að ofan – fram og til baka, fellið af. Endurtakið meðfram hægra framstykki, en eftir 1 cm er fellt af fyrir 12-12-13 hnappagötum jafnt yfir (efsta hnappagat = 1 cm frá toppi og neðsta = 1 cm frá neðri kanti) – 1 hnappagat = fellið af 2 lykkjur og aukið út um 2 nýjar lykkjur yfir þær lykkjur sem felldar voru af í næstu umferð (munið eftir hnappagati á uppábroti). Brjótið uppá alla kanta tvöfalda að röngu og saumið niður. Saumið Puddel-fóðrið á kraga niður að innanverðu neðst í kringum háls og inn að kanti að framan á hlið. Saumið ermar í, brjótið uppá kant fyrir saum á ermi yfir kant sem klipptur var á búk og saumið niður í höndunum. Saumið tölur í. ---------------------------------------------------------- HÁLSKLÚTUR: Fitjið upp 26 lykkjur á prjón 8 með tveimur þráðum Big Bouclé. Prjónið síðan með einum þræði og prjónið 4 umferðir garðaprjóni. Haldið síðan áfram með sléttprjón jafnframt þar sem síðustu 2 lykkjur á hvorri hlið halda áfram með garðaprjóni upp úr. Þegar stykkið mælist 148 cm eru prjónaðar 4 umferðir garðaprjón og fellt er af með tveimur þráðum. ---------------------------------------------------------- FINGRAVETTLINGAR: STROFF: * 2 lykkjur slétt, 2 lykkjur brugðnar *, endurtakið frá *-*. MYNSTUR: Sjá mynsturteikningu. Mynsturteikning sýnir allar umferðir í mynstri séð frá réttu. ---------------------------------------------------------- FINGRAVETTLINGAR: Fitjið upp 83 lykkjur á sokkaprjón 3 með Camelia og prjónið MYNSTUR – sjá útskýringu að ofan – þar til vettlingurinn hefur verið prjónaður til loka þannig: 18 lykkjur stroff – byrjið umferð með 2 lykkjum brugðnum og setjið eitt prjónamerki mitt í þessar 2 lykkjur brugðnar, M.1 (= miðja á vettling), 52 lykkjur stroff (prjónið stroff þannig að það verði eins báðum megin við M.1, það á að enda og byrja með 2 lykkjum brugðnum). Þegar stykkið mælist 24 cm er fækkað um 24 lykkjur jafnt yfir, en ekki yfir M.1 = 59 lykkjur. Byrjið uppá nýtt með stroff, 2 lykkjur slétt, 2 lykkjur brugðnar hvoru megin við M.1, byrjið umferð með 2 lykkjum brugðnum. HÉÐAN ER NÚ MÆLT! Þegar stykkið mælist 2 cm er aukið út fyrir op fyrir þumal þannig: Aukið út um 1 lykkju hvoru megin við prjónamerki, þessar 2 lykkjur = op fyrir þumal. Aukið síðan út um 1 lykkju hvoru megin við þessar 2 lykkjur í annarri hverri umferð 6 sinnum = 14 lykkjur í opi (útauknu lykkjurnar eru prjónaðar inn í opið með stroffprjóni jafnóðum). Setjið nú þessar 14 lykkjur + 1 lykkju á hvorri hlið = 16 lykkjur á band og fitjið upp 2 nýjar lykkjur aftan við op = 59 lykkjur. Þegar stykkið mælist 11 cm er aukið út um 1 lykkju yfir M.1 = 60 lykkjur, JAFNFRAMT þar sem M.1 er prjónað eins og stroff. Prjónið síðan næstu umferð þannig: 2 lykkjur yfir op, 21 lykkja, setjið 13 lykkjur á band fyrir litla fingur, fitjið upp 1 nýja lykkju og prjónið þær 24 lykkjur sem eftir eru. Prjónið 4 umferðir yfir þessar 48 lykkjur. Setjið síðan nýjar lykkjur og 16 lykkjur á hvorir hlið á band Vísifingur: Prjónið 15 lykkjur og takið upp 1 nýja lykkju = 16 lykkjur. Prjónið 4 cm yfir þessar 16 lykkjur fellið af. Langatöng: Prjónið 8 lykkjur frá lófa, fitjið upp 1 nýja lykkju, prjónið 8 lykkjur frá handarbaki og aukið út um 3 lykkjur að vísifingri = 20 lykkjur. Prjónið 4 cm yfir þessar 20 lykkjur, fellið af. Baugfingur: Prjónið 17 lykkjur og aukið út um 3 lykkjur að löngutöng = 20 lykkjur. Prjónið 4 cm yfir þessar 20 lykkjur, fellið af. Litli fingur: Prjónið 13 lykkjur af bandi og aukið út um 3 lykkjur að baugfingri. Prjónið 4 cm yfir þessar 16 lykkjur. Fellið af. Þumall: prjónið 16 lykkjur af bandi, aukið út um 4 lykkjur aftan við op = 20 lykkjur. Prjónið 5 umferðir, fellið af. Prjónið hinn fingravettlinginn alveg eins, nema gagnstætt. Aukið út fyrir op fyrir þumal í lok 2. Umferðar. Skiptið upp fyrir litla fingur þannig: Prjónið 24 lykkjur, setjið 13 lykkjur á band, fitjið upp 1 lykkju og prjónið síðan 21 lykkju + 2 lykkjur yfir op. |
|||||||||||||||||||
Skýringar á teikningu |
|||||||||||||||||||
|
|||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |