Þegar smellt er á PANTA hnappinn þá verður þér vísað á heimasíðu Handverkskúnst
-------------------------------------------------------
Garnmöguleiki – Sjá hvernig breyta á um garn hér
Garnflokkur A til F – Nota sama mynstur og breyta um garn hér
Efnismagn ef notað er annað garn – Notaðu umreiknitöfluna okkar hér
-------------------------------------------------------
Þegar smellt er á PANTA hnappinn þá verður þér vísað á heimasíðu Handverkskúnst
= slétt lykkja frá réttu, brugðin lykkja frá röngu | |
= brugðin lykkja frá réttu, slétt lykkja frá röngu | |
= setjið 1 lykkju á hjálparprjón aftan við stykkið, 2 lykkjur slétt, 1 lykkja brugðið af hjálparprjóni | |
= setjið 2 lykkjur á hjálparprjón framan við stykkið, 1 lykkja brugðið, 2 lykkjur slétt af hjálparprjóni | |
= setjið 2 lykkjur á hjálparprjón aftan við stykkið, 2 lykkjur slétt, 2 lykkjur slétt af hjálparprjóni | |
= setjið 2 lykkjur á hjálparprjón framan við stykkið, 2 lykkjur slétt, 2 lykkjur slétt af hjálparprjóni | |
= setjið 2 lykkjur á hjálparprjón aftan við stykkið, 2 lykkjur slétt, 2 lykkjur brugðið af hjálparprjóni | |
= setjið 2 lykkjur á hjálparprjón framan við stykkið, 2 lykkjur brugðið, 2 lykkjur slétt af hjálparprjóni | |
= 2 lykkjur brugðið saman | |
= 2 lykkjur slétt saman |
Hvert mynstur okkar hefur sérstök kennslumyndbönd til að hjálpa þér.
Þessi skref - fyrir - skref kennslumyndbönd gætu aðstoðað þig:
Af hverju er prjón-/heklfesta svo mikilvæg?
Prjónfesta er það sem ákveður endanlega mælingu á stykkinu þínu og er oftast mæld per 10 x 10 cm. Prjónfestan er tekin þannig: fjöldi lykkja á breidd x fjöldi lykkja í umferð á hæðina – t.d: 19 lykkjur x 26 umferðir = 10 x 10 cm.
Prjónfestan er mjög einstaklingsbundin; sumir prjóna/hekla laust á meðan aðrir prjóna þéttar. Þú aðlagar festuna með grófleika á prjóni, þess vegna er uppgefin prjónastærð hjá okkur aðeins til leiðbeiningar! Þú þarft að stilla prjónfestuna af (upp eða niður) til að tryggja að prjónfestan þín passi við þá festu sem er gefin upp í mynstri. Ef þú vinnur með aðra prjónfestu en þá sem gefin er upp þá þarftu annað efnismagn og verkefnið þitt kemur til með að hafa annað mál en sem stendur í uppskrift.
Prjónfestan ákveður einnig hvaða garni er hægt að skipta út og setja inn annað. Svo lengi sem þú nærð sömu prjónfestu þá getur þú skipt einu garni út fyrir annað.
Sjá DROPS kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu /gera prufu
Hvernig veit ég hversu margar dokkur ég þarf af garni?
Efnismagn af garni er gefið upp í grömmum, t.d.: 450 g. Til þess að reikna út hversu margar dokkur þú þarft þá verður þú fyrst að vita hversu mörg grömm eru í einni dokku (25g, 50g eða 100g). Þessar upplýsingar eru aðgengilegar ef þú smellir á garntegundirnar á síðunni okkar. Deildu síðan uppgefnu efnismagni með magni í hverri dokku. T.d. ef hver dokka er 50g (algengasta tegundin), þá verður útreikningurinn sem hér segir: 450/50 = 9 dokkur.
Get ég notað annað garn en sem stendur í mynstri?
Það mikilvægasta þegar skipt er frá einu garni yfir í annað er að prjón-/heklfestan verði sú sama. Það er svo að mælingar á full unnu stykki verði þær sömu og á skissunni sem fylgir mynstrinu. Það er auðveldara að ná sömu prjónfestu með því að nota garn úr sama garnflokki. Einnig er hægt að vinna með mörgum þráðum saman með fínna garni til að ná prjónfestu á grófara garni. Endilega notaðu garnreiknivélina okkar. Við mælum alltaf með að þú gerir prufustykki.
Vinsamlegast ATHUGIÐ: þegar garni er skipt út þá getur þú fengið annað útlit og áferð á flíkina en sem er sýnt á myndinni, garnið hefur mismunandi eiginleika og gæði.
Sjá DROPS kennsla: Get ég notað annað garn en það sem gefið er upp í mynstri?
Hvað er garnflokkur?
Allt garnið okkar er flokkað í garnflokka (frá A til F) eftir grófleika og prjónfestu - garnflokkur A samanstendur af fínasta garninu okkar og garnflokkur F grófasta garninu okkar. Þetta auðveldar þér að finna garn sem passar fyrir mynstrið þitt, langi þig til að skipta um garn. Allt garn í sama garnflokki hefur sömu prjónfestu og má nota sem valmöguleika þegar skipt er um garn . Hins vegar skaltu hafa í huga að garnið getur haft mismunandi eiginleika og áferð, sem gefur verkinu einstakt útlit.
Smelltu hér til að fá yfirlit yfir garn í hverjum garnflokki
Hvernig nota ég garnreiknivélina?
Efst í öllum mynstrunum okkar finnur þú link að garnreiknivélinni okkar, sem er hjálpartæki þegar þú vilt skipta út garni fyrir annað garn en það sem gefið er upp í uppskrift. Með því að setja inn þá tegund af garni sem þú ætlar skipta út, fjölda (í þinni stærð) lykkja, þá reiknar reiknivélin út þá möguleika af garni með sömu prjónfestu. Að auki mun reiknivélin segja til um hversu mikið magn þú þarft af nýja garninu og hvort þú þurfir að hafa fleiri en einn þráð. Flestar dokkurnar okkar eru 50g (sumar 25g og 100g).
Ef mynstrið er unnið með mörgum litum, þá verður að reikna út hvern lit fyrir sig. Á sama hátt ef mynstrið er með nokkrum þráðum af mismunandi garni (t.d. 1 þræði Alpaca og 1 þræði Kid-Silk) þá verður þú að finna út möguleika fyrir hvert garn, fyrir sig.
Af hverju gefið þið upp garn sem hætt er í framleiðslu í mynstrunum?
Þar sem mismunandi garn er með mismunandi eiginleika og áferð þá höfum við valið að halda upprunalegu garntegundinni í mynstrunum okkar. Hins vegar þá getur þú auðveldlega fundið aðra valkosti með því að nota garnreiknivélina okkar, eða einfaldlega valið garn úr sama garnflokki.
Það er hugsanlegt að sumar verslanir eigi enn garn sem hætt er í framleiðslu eða að einhver eigi nokkrar dokkur heima sem langar til að finna mynstur sem passar garninu.
Notaðu garnreiknivélina sem mun koma með tillögu að öðru garni og nauðsynlegt efnismagn fyrir nýja garnið.
Hvaða stærð á ég að prjóna?
Ef þér finnst erfitt að ákveða hvaða stærð þú átt að gera getur verið gott að mæla flík sem þú átt nú þegar og líkar við stærðina á. Síðan geturðu valið stærðina með því að bera þessi mál saman við þær stærðir sem til eru í stærðartöflu mynstrsins.
Þú finnur stærðartöfluna neðst á mynstrinu.
Af hverju fæ ég aðra prjónfestu með uppgefinni prjónastærð?
Prjónastærðin er einungis gefin upp til leiðbeiningar, mikilvægt er að ná réttri prjónfestu. Prjónfestan getur verið mjög einstaklingsbundin, þú verður að skipta út prjónum til að vera viss um að prjónfestan ÞÍN verði sú saman og í mynstrinu – kannski verður þú að fara upp eða niður um 1 eða 2 grófleika á prjónum til að ná réttri prjónfestu. Fyrir það þá mælum við með að þú gerir prjónaprufu.
Ef þú ert með aðra prjónfestu en sem gefin er upp í mynstri, þá verða málin á flíkinni önnur en þau mál sem gefin eru upp í mynsturteikningu.
Sjá DROPS Kennsla: Hvernig á að mæla prjónfestu
Sjá DROPS myndband: Hvernig á að kanna prjónfestu / gera prufu
Af hverju er mynstrið unnið frá toppi og niður?
Að vinna með flík frá toppi og niður gefur meiri sveigjanleika til að láta flíkina passa betur. T.d. er auðveldara að máta flíkina á meðan hún er enn í vinnslu, sem og jafna til lengd á ermum, berustykki og öxlum.
Leiðbeiningarnar eru sérstaklega með útskýringum á hverju þrepi, í réttri röð. Mynsturteikning er sniðin að prjónfestu og er unnin eins og venjulega.
Hvernig á að prjóna samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri. 1 rúða = 1 lykkja.
Þegar prjónað er fram og til baka, þá er önnur hver umferð prjónuð frá réttu og önnur hver umferð prjónuð frá röngu. Þar sem mynsturteikning sýnir allar lykkjur séð frá réttu þá verður þú að prjóna frá gagnstæðri hlið þegar prjónað er frá röngu: frá vinstri til hægri, sléttar lykkjur eru prjónaðar brugðnar, brugðnar lykkjur eru prjónaðar sléttar o.s.frv.
Þegar prjónað er í hring þá er hver umferð prjónuð frá hægri hlið og mynsturteikning er unnin frá hægri til vinstri í öllum umferðum/hringjum.
Sjá DROPS Kennsla: Hvernig á að lesa prjón mynsturteikningu
Hvernig á að hekla samkvæmt mynsturteikningu?
Mynsturteikning útskýrir allar umferðir/hringi og hverja lykkju séð frá réttu. Teikningin er lesin frá botni upp á topp, frá hægri til vinstri..
Þegar heklað er fram og til baka er önnur hver umferð hekluð frá réttu: frá hægri til vinstri og önnur hver umferð hekluð frá röngu: frá vinstri til hægri.
Þegar heklað er í hring, er hver umferð í mynsturteikningu hekluð frá hægri hlið, frá hægri til vinstri.
Þegar hekluð er hringlaga mynsturteikning þá byrjar þú í miðju og vinnur þig út á við, réttsælis, umferð eftir umferð.
Umferðirnar byrja yfirleitt með ákveðnum fjölda af loftlykkjum (jafngilda hæð á eftirfarandi lykkjum), þetta er annað hvort útskýrt í mynstri eða lýst í mynsturteikningu.
Sjá DROPS Kennsla: Hvernig á að lesa hekl mynsturteikningu
Hvernig á að lesa nokkrar mynsturteikningar samtímis í sömu umferð/hring
Í leiðbeiningum þegar unnið er eftir nokkrum mynsturteikningum á eftir hverri annarri í sömu umferð/hring, þá er oftast skrifað þannig: „ prjónið A.1, A.2, A.3 alls 0-0-2-3-4 sinnum“. Þetta þýðir að þú prjónar A.1 einu sinni, síðan er A.2 prjónað einu sinni, svo er A.3 endurtekið (á breiddina) í þeim fjölda sem er gefinn upp í þinni stærð – í þessu dæmi þá er: S = 0 sinnum, M = 0 sinnum, L = 2 sinnum, XL = 3 sinnum og XXL = 4 sinnum.
Mynsturteikningin er unnin eins og venjulega: Byrjað er á fyrstu umferð í A.1, síðan er prjónuð fyrsta umferð í A.2 o.s.frv.
Sjá DROPS Kennsla: Hvernig á að lesa prjón mynsturteikningu
Sjá DROPS Kennsla: Hvernig á að lesa hekl mynsturteikningu
Af hverju eru ermar styttri í stærri stærðum?
Heildar breidd á flíkinni (frá úlnlið að úlnlið) verður lengri í stærri stærðum, þrátt fyrir að ermin verði styttri. Stærri stærðirnar hafa lengri ermakúpu og breiðari axlir, þannig að peysan passi vel í öllum stærðum.
Hvar á flíkinni er lengdin mæld?
Stærðarteikning/skýringarmynd veitir upplýsingar um alla lengd á flíkinni. Ef þetta er jakkapeysa eða peysa þá er lengdin mæld frá hæsta punkti á öxl næst hálsmáli og beint niður að enda á stykkinu. EKKI er mælt frá enda á öxl. Á sama hátt er berustykkið mælt frá hæsta punkti á öxl og niður þar sem berustykkið skiptist fyrir fram- og bakstykki og ermar.
Á opnum peysum/jakkapeysum eru málin aldrei tekin meðfram kantlykkjum að framan, nema ef sérstaklega er sagt til um það. Mælið ávallt innan við kantlykkjur að framan þegar lengdin er mæld.
Sjá DROPS Kennsla: Hvernig á að lesa úr stærðarteikningu
Hvað er endurtekning?
Mynstureining er oft endurtekin í umferðinni eða á hæðina. 1 endurtekning á mynstureiningu eins og hún birtist í mynstri. Ef tekið er fram að endurtaka eigi A.1 5 sinnum í umferð, þá vinnur þú A.1 alls 5 sinnum á eftir hverju öðru í umferðinni. Ef tekið er fram að prjóna eigi mynstureiningu A.1 2 sinnum á hæðina þá vinnur þú mynstureininguna einu sinni, byrjar aftur frá upphafi og vinnur mynstureininguna einu sinni enn.
Af hverju byrjar stykkið á fleiri loftlykkjum en sem unnið er með?
Af hverju er aukið út á undan stroff kanti þegar stykkið er unnið ofan frá og niður?
Stroff kantur er með meiri teygjanleika samanborið við t.d. sléttprjón. Með því að auka út fyrir stroffi, þá kemur þú í veg fyrir sýnilegan mun á breidd á milli stroffs og afgangs af stykki.
Af hverju er slegið uppá prjóninn ásamt því að fella af?
Mjög auðvelt er að fella of fast af, með því að slá uppá prjóninn jafnframt því að fella af (uppslátturinn er felldur af eins og venjuleg lykkja) þá kemur þú í veg fyrir að affellingarkanturinn verði of stífur.
Sjá DROPS myndband: Hvernig á að fella af með uppslætti
Hvernig á að auka út/fella af í 3. og 4. hverri umferð?
Til að jafna út útaukningu (úrtöku) getur þú aukið út t.d: Í 3. hverri og 4. hverri umferð, eða þannig: þú prjónar 2 umferðir og eykur út í 3. umferð, prjónar 3 umferðir og eykur út í 4. umferð. Endurtekur þetta síðan þar til útaukningin hefur verið gerð til loka.
Sjá DROPS Kennsluleiðbeiningar: Hvernig á að auka út/fella af til skiptis í 3. og 4. hverri umferð
Hvernig get ég gert peysu í hring í stað fram- og til baka?
Ef þú vilt frekar vinna peysu í hring í stað fram og til baka, þá getur þú auðvitað breytt mynstrinu. Þú þarf að bæta við lykkjum að framan til að klippa í (oftast 5 lykkjur) og fylgja leiðbeiningunum. Þegar þú snýrð vanalega við og vinnur frá röngu, þá hreinlega heldur þú áfram yfir auka lykkjurnar að framan og heldur áfram hringinn. Í lokin þá klippir þú stykkið upp, tekur upp lykkjur til að gera kant og felur brúnirnar.
Sjá DROPS kennslumyndband: Hvernig á að klippa upp fyrir handveg
Get ég prjónað peysu fram og til baka í stað þess að prjóna í hring?
Ef þú vilt frekar vinna peysu fram og til baka í stað þess í hring, þá getur þú auðvitað breytt mynstrinu þannig að stykkin séu prjónuð sér og sett saman í lokin. Deildu lykkjufjöldanum á fram- og bakstykki með 2, bættu við 1 kantlykkju í hvorri hlið (fyrir saum) og þá getur þú unnið fram- og bakstykki hvort fyrir sig.
Sjá DROPS kennsluleiðbeiningar: Hvernig á að prjóna uppskrift sem prjóna á í hring og prjóna hana fram og til baka?
Af hverju er mynstrið aðeins öðruvísi en sem ég sé á myndinni?
Mynstrin endurtaka sig með örlitlum mun eftir stærðum, til að þau verði í réttum hlutföllum. Ef þú ert ekki að vinna með nákvæmlega sömu stærð og flíkin á myndinni, þá gætir þú velt þér yfir þessu. Þetta hefur verið valdlega hannað og aðlagað þannig að heildar útlitið á flíkinni sé sú saman í öllum stærðum.
Vertu bara viss um að fylgja vel leiðbeiningunum og skýringum á mynsturteikningu fyrir þína stærð!
Hvernig breyti ég kvenmanns stærð á peysu yfir í karlmanns stærð?
Ef þú hefur fundið mynstur sem þér líkar við og er fáanlegt í kvenmanns stærð þá er ekki mjög erfitt að breyta því yfir í karlmanns stærð. Stærsti munurinn er lengd á ermum og búk. Byrjaðu að vinna í kvenmanns stærðinni sem þú heldur að passi yfirvídd á brjósti. Viðbætt lengd er unnin rétt áður en fellt er af fyrir handveg. Ef mynstrið er unnið ofan frá og niður þá er hægt að bæta við lengd rétt á eftir handveg eða á undan fyrstu úrtöku fyrir ermi.
Hvað varðar viðbótar garnið, þá fer það eftir því hversu mikið þú bætir við, en það er alltaf betra að hafa eina dokku meira en minna.
Hvernig er hægt að koma í veg fyrir að trefjar losni frá loðnum flíkum?
Allt garn er með umfram trefjar (frá framleiðslu) sem geta losnað. Loðið garn (brushed) er með meira af lausum, auka trefjum, sem geta losnað.
Þar af leiðandi þá er ekki hægt að ábyrgjast að loðið garn (brushed) sé 100 % non-shedding (að trefjarnar losni ekki frá), en það er hægt að lágmarka þetta með því að fylgja þessum leiðbeiningum:
1. Þegar flíkin er full unnin (áður en þú þværð hana) hristu flíkina kröftuglega þannig að lausar trefjar falli af. ATH: EKKI nota lím rúllu bursta, bursta eða önnur áhöld sem toga til sín garnið.
2. Settu flíkina í plastpoka og settu í frysti – hitastigið veldur því að trefjarnar festast síður saman og allar auka trefjar falla betur frá.
3. Hafðu flíkina í frysti í nokkra klukkutíma áður en hún er tekin út og hrist kröftuglega aftur.
4. Þvoðu flíkina samkvæmt leiðbeiningum á leiðbeiningar miða á garninu.
Af hverju hnökrar flíkin mín?
Hnökur er náttúrulegt ferli sem gerist jafnvel með bestu trefjunum. Það er náttúrulegt merki um slit sem erfitt er að forðast og það sést best á svæðum með miklum núningi í flíkinni eins og handvegi á ermum á peysu.
Þú getur látið flíkina þína líta út eins og nýja með því að fjarlægja hnökrið, nota kamb eða hnökravél.
Princess of Siberia |
|||||||||||||||||||||||||||||||
|
|
||||||||||||||||||||||||||||||
Settið samanstendur af: Prjónuðum vettlingum og eyrnabandi úr DROPS Nepal með köðlum og hekluðum kanti úr DROPS Puddel og prjónuðu hálsskjóli úr DROPS Puddel.
DROPS 143-24 |
|||||||||||||||||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- MYNSTUR: Sjá mynsturteikningu A-1 fyrir eyrnaband. Sjá mynsturteikningu A-1 og A-2 fyrir vettlinga. Mynsturteikningin sýnir 1 mynstureiningu af mynstri. Mynsturteikning sýnir allar umferðir í mynstri séð frá réttu. GARÐAPRJÓN (prjónað fram og til baka): Lykkjurnar prjónast slétt í öllum umf. ------------------------------------------------------- BYRJIÐ Á STYKKI HÉR: ------------------------------------------------------- EYRNABAND - STUTT ÚTSKÝRING Á STYKKI: Stykkið er prjónað fram og til baka. EYRNABAND: Fitjið upp 22 l á prjóna nr 4,5 með Nepal. Prjónið 1 umf slétt frá röngu. Næsta umf er prjónuð þannig: Prjónið 2 l GARÐAPRJÓN – sjá útskýringu að ofan, * 2 l br, prjónið 2 l sl í hvora af 2 næstu lykkjum (= 4 l sl), 2 l br * , endurtakið frá *-* 2 sinnum til viðbótar, endið með 2 l garðaprjón = 28 l. Prjónið 1 umf til baka frá röngu með sl yfir sl og br yfir br og 2 l garðaprjón í hvorri hlið. Haldið áfram með A.1 og 2 l garðaprjón í hvorri hlið þar til stykkið mælist ca 40-50 cm, stillið af eftir heila mynstureiningu. Næsta umf er prjónuð þannig: Prjónið 2 l garðaprjón, * 2 l br, 2 l sl saman, 2 l sl saman, 2 l br *, endurtakið frá *-* 2 sinnum til viðbótar, endið með 2 l garðaprjóni = 22 l. Prjónið 1 umf slétt frá röngu yfir allar l, fellið af. FRÁGANGUR: Saumið saman eyrnabandið við miðju að aftan – saumið kant í kant svo að saumurinn verði ekki of þykkur. Heklið nú með Puddel með heklunál nr 5 meðfram báðum hliðum þannig: Heklið 1 fl í fyrstu l,* 2 ll, hoppið yfir 2 umf garðaprjón, 1 fl í næstu umf í garðaprjóni*, endurtakið frá *-* endið með 1 kl í fyrstu fl. ------------------------------------------------------- HÁLSSKJÓL - STUTT ÚTSKÝRING Á STYKKI: Stykkið er prjónað í hring á hringprjóna. HÁLSSKJÓL: Fitjið LAUST upp 62 l á hringprjóna nr 8 með Puddel – ATH: Passið uppá að uppfitjunarkanturinn verði ekki of stífur! Prjónið sléttprjón þar til stykkið mælist ca 32 cm, fellið LAUST af – ATH: Passið uppá að affellingarkanturinn verði ekki of stífur! ------------------------------------------------------- VETTLINGAR - STUTT ÚTSKÝRING Á STYKKI: Stykkið er prjónað í hring á sokkaprjóna. VINSTRI VETTLINGUR: Fitjið upp 40 l á sokkaprjóna nr 3,5 með Nepal. Prjónið stroff = 3 l br, 2 l sl í 10 cm (mikilvægt er að umf byrji með 3 l br). Næsta umf er prjónuð þannig: Prjónið 2 l br saman, 1 l br, * prjónið 2 l sl í hverja eina af 2 næstu l (= 4 l sl), 1 l br, prjónið 2 l br í næstu l, 1 l br (þ.e.a.s. að 3 l br verða 4 l br) *, endurtakið frá *-* 1 sinni til viðbótar, prjónið 2 l sl í hvora af næstu 2 l (= 4 l sl), ** 2 l br saman, 1 l br, 2 l sl **, endurtakið frá **-** 4 sinnum til viðbótar = 42 l. Prjónið 1 umf slétt og 1 umf brugðið yfir allar l (það á að hekla í brugðnu umferðina síðar). Skiptið yfir á sokkaprjóna nr 4,5. Haldið áfram með A-1 yfir fyrstu 24 l og br yfir síðustu 18 l – setjið 1 prjónamerki í næst síðustu l í umf (= þumallykkja). Þegar prjónaðir hafa verið 2 cm eftir stroffið, er aukið út um 1 l hvoru megin við þumallykkjur með því að slá 1 sinni uppá prjóninn, í næstu umf er uppslátturinn prjónaður snúinn brugðið til að koma í veg fyrir göt. Endurtakið útaukningu í annarri hverri umf 4 sinnum til viðbótar (það verða 2 l á milli uppslátta fyrir hverja útaukningu) = 11 þumallykkjur og 52 l alls. Þegar stykkið mælist alls 16 cm, eru 11 þumallykkjur settar á þráð og fitjað er upp 1 ný l yfir þumal = 42 l. Haldið áfram með A-1 á handarbaki og í lófa þar til A-1 hefur verið prjónað 2 sinnum á hæðina. Prjónið nú A-2 á handarbaki og í lófa. Þegar komið er að umf merktri með 1 ör í mynstri, byrjar úrtaka. Á handarbaki er lykkjum fækkað eftir mynstri og í lófa eru prjónaðar 2 fyrstu og 2 síðustu l br saman í annarri hverri umf alls 4 sinnum. Í síðustu umf í mynstri eru prjónaðar þær 10 l br sem eftir eru í lófa br saman 2 og 2 = 12 l eftir á prjóni (þ.e.a.s. 7 á handarbaki og 5 lófa), klippið frá, þræðið þráðinn í gegnum þær l sem eftir eru og herðið að. Allur vettlingurinn mælist nú ca 30 cm. ÞUMALL: Setjið þær 11 l af þræði fyrir þumal á sokkaprjóna nr 4,5 og takið upp 3 l í kanti fyrir aftan þumallykkjur = 14 l. Prjónið br hringinn í 6 cm, síðan eru allar l prjónaðar brugðið saman 2 og 2. Klippið frá og þræðið þráðinn í gegnum þær 7 l sem eftir eru, herðið að og festið. HEKLAÐUR KANTUR: Heklið með Puddel með heklunál nr 5 að neðan í kringum vettlinginn þannig: Heklið 1 fl í fyrstu l, *2 ll, hoppið yfir 1 l, 1 fl í næstu*, endurtakið frá *-* umf hringinn, endið með 1 kl í fyrstu fl. Heklið eins í br umf meðfram stroffinu. HÆGRI VETTLINGUR: Prjónið á sama hátt og vinstri vettlingur, en aukið út fyrir þumal hvoru megin við 2. l br af þeim 18 l inni í lófa. |
|||||||||||||||||||||||||||||||
Skýringar á teikningu |
|||||||||||||||||||||||||||||||
|
|||||||||||||||||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Með yfir 40 ára prjóna- og hekl hönnun, býður DROPS Design uppá eitt umfangsmesta vöruúrval af mynstrum án endurgjalds á netinu – þýdd á 17 tungumálum. Í dag þá erum við komin í 304 vörulista og 11422 mynstur - 6937 mynstur sem eru þýdd á íslensku.
Við vinnum hörðum höndum við að færa þér það besta sem prjón og hekl hefur uppá að bjóða, innblástur, ráðgjöf og auðvitað frábært gæða garn á ótrúlegu verði! Langar þig að nota mynstrin okkar fyrir annað en til einkanota? Þú getur lesið hér ákvæði hvað leyfilegt er að gera í textanum Copyright em> sem er neðst á öllum mynstrunum okkar.
Athugasemdir / Spurningar (11)
Pia Liukku wrote:
Hei! Ja vielä kysyisin neulotaanko A1mallikertaa oikealta vasemmalle vai vasemmalta oikealle? Neulotaanko jokainen rivi vain yhden kerran siten että kaaviosta neulotaan 16 riviä vai neulotaanko edestakas 32 riviä. Miksi näitä ei merkitä kaavioon? Ja neulotaanko ensimmäinen rivi nurjalta nurjilla silmukoilla? Yst. Pia Liukku
06.03.2024 - 10:18DROPS Design answered:
Työ neulotaan tasona, joten oikean puolen kerrokset neulotaan oikealta vasemmalle ja nurjan puolen kerrokset neulotaan vasemmalta oikealle. Jokainen rivi neulotaan kerran. Piirroksen ensimmäinen kerros neulotaan työn oikealta puolelta.
06.03.2024 - 17:04Pia Liukku wrote:
Otsapannan mallikerta kaljaa nurjilla silmukoilla. Neulotaanko niiden eteen ja jälkeen lopussa 2 ainaoikeaa vai miten? Aloitetaanko neulominen nurjalla puolelta neulomalla, se oikein vai aloitetaanko oikealta puolelta? Tuleeko aloitus riviin 2 n, 4 o. Eikä 4 n 4 o kuten mallikerrassa. Tuo alku on vaikeasti selitetty.. Ja minkälaista joustinneuletta neulotaan? Yst. Terv. Pia
05.03.2024 - 06:31Tiina wrote:
Mis mustri osa korrata, et saada pikemat kinnast(suurele käele, pikkade sõrmedega)?
12.12.2023 - 18:33Jane Newton wrote:
I am making the headband. What does k 1 row ws mean do i knit one row which then necomes the wrong side or do i perl one row do that the next row is the right side?
15.05.2023 - 16:28DROPS Design answered:
Dear Mrs Newton, for the headband, the first worked row will be a wrong side row, this means you will purl all stitches then turn and work next row from right side increasing stitches as explained. Happy knitting!
16.05.2023 - 08:52Johanna wrote:
Sind die 100g Wolle der Verbrauch für einen oder beide Handschuhe?
27.07.2022 - 15:15DROPS Design answered:
Liebe Johanna, der Verbrauch gilt für beide Handschuhe. Viel Spaß beim Stricken!
28.07.2022 - 08:08Giedre wrote:
Mitten measures 30cm!!! It can't be right. Is it for giant?
01.01.2020 - 12:42DROPS Design answered:
Dear Giedre, mittens are measuring 30 cm in total, but the rib edge will be folded double. Happy knitting!
02.01.2020 - 15:12Anne wrote:
¿Se podría dar una explicación más detallada de estos pasos? Muchas Gracias. Tejer la vta sig de la manera sig: 2 pjr, 1r, * 2d en cada uno de los 2 pts sig (= 4d), 1r, 2r en el pt sig, 1r (es decir, 3 reveses se convierten en 4r) *, repetir de *a* 1 vez más, 2d en cada uno de los 2 pts sig (= 4d), ** 2 pjr, 1r, 2d **, repetir de **a** 4 veces más = 42 pts.
16.03.2018 - 13:24DROPS Design answered:
Hola Anne, Tejer la vuelta siguiente de la siguiente manera: 2 puntos juntos de reves, 1 reves* 2 derechos en cada uno de los 2 puntos siguientes (=4 derechos), 1 reves, 2 reveses en el punto siguiente, 1 reves (es decir, 3 reveses se convierten en 4 reveses)*, repetir de *a* 1 vez mas, 2 derechos en cada uno de los 2 puntos siguientes (= 4 derechos), ** 2 puntos juntos de reves, 1 reves, 2 derechos**, repetir de ** a ** 4 veces mas= 42 puntos.
24.03.2018 - 07:38Mette wrote:
Hej Lisbeth, hvi du tager den norske udgave af opskriften, får du også opskrift på pandebånd. God fornøjelse. Hilsen Mette
08.10.2012 - 07:54Lisbeth Sangill wrote:
Jeg kan ikke finde opskriften på pandebåndet. Ligger den her ikke? VH Lisbeth Sangill
07.10.2012 - 22:08DROPS Design answered:
Jo da, den ligger her øverst i opskriften :)
20.11.2012 - 09:58Gloria Patterson wrote:
I love the intricate cables! I like the matching scarf, too.
14.06.2012 - 19:54