River Trail Top |
||||
|
|
|||
Prjónaður toppur úr DROPS Safran. Stykkið er prjónað neðan frá og upp í stroffprjóni með tilfærslu á lykkjum og V-hálsmáli með I-cord aftan í hálsmáli. Stærð S - XXXL.
DROPS 250-28 |
||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað í hring): *1 umferð slétt og 1 umferð brugðið*, endurtakið frá *-*. GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MÆLING: Vegna stroffprjóns þá dregst stykkið saman. Dragið aðeins út stykkið á breiddina þegar öll mál á lengdina eru tekin, til að koma í veg fyrir að flíkin verði of stutt þegar flíkin er mátuð. ÚTAUKNING: Aukið út 1 lykkju með því að slá 1 sinni uppá prjóninn. Í næstu umferð er uppslátturinn prjónaður snúinn svo ekki myndist gat. Útauknar lykkjur eru prjónaðar jafnóðum inn í stroffprjón. ÚRTAKA-1 (á við um úrtöku í stroffi): FÆKKIÐ LYKKJUM TIL HÆGRI ÞANNIG: Prjónið þar til 3 lykkjur eru eftir á undan 1. / 5. merkiþræði, prjónið 2 lykkjur slétt saman, 1 lykkja slétt. FÆKKIÐ LYKKJUM TIL VINSTRI ÞANNIG: Prjónið fram að 4. / 8. merkiþræði, prjónið 1 lykkju slétt, lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð. ÚRTAKA-2 (á við um úrtöku fyrir handveg og V-hálsmál): Öll úrtaka er gerð frá réttu! FÆKKIÐ LYKKJUM Á EFTIR 4 LYKKJUM ÞANNIG: Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð (1 lykkja færri). FÆKKIÐ LYKKJUM Á UNDAN 4 LYKKJUM ÞANNIG: Prjónið þar til 6 lykkjur eru eftir í umferð, prjónið 2 lykkjur slétt saman, endið með 4 lykkjur eins og útskýrt er í mynstri. I-CORD AFFELLING (aftan í hálsmáli): Fitjið upp 4 lykkjur á hægri prjón frá réttu. Lyftir þessum 4 nýju lykkjum af hægri prjóni yfir á vinstri prjón þannig að þráðurinn sitji 4 lykkjum inn á vinstri prjóni (þegar prjónað er þá herðir þráðurinn á stykkinu, þannig að það myndast lítil snúru kantur). UMFERÐ 1 (rétta): Prjónið 3 lykkjur slétt, prjónið 2 næstu lykkjur snúnar slétt saman. UMFERÐ 2 (rétta): Lyftið til baka 4 lykkjum af hægri prjóni yfir á vinstri prjón, prjónið 3 lykkjur slétt, prjónið 2 næstu lykkjur snúnar slétt saman. Endurtakið UMFERÐ 2 þar til 4 lykkjur eru eftir á hægri prjóni. Lyftið til baka 4 lykkjum af hægri prjóni yfir á vinstri prjón. Fellið af. Saumið eitt lítið spor sem bindur saman byrjun og lokin á I-cord kanti við 4 lykkjur frá framstykki. ------------------------------------------------------- BYRJIÐ Á STYKKI HÉR: ------------------------------------------------------- TOPPUR - STUTT ÚTSKÝRING Á STYKKI: Stykkið er prjónað í hring, neðan frá og upp að handvegi. Síðan skiptist stykkið fyrir framstykki og bakstykki og hvort stykki er prjónað fram og til baka fyrir sig. Axlasaumar eru saumaðir. Í lokin eru lykkjur prjónaðar upp aftan í hnakka og prjónaður er I-cord. FRAM- OG BAKSTYKKI: Fitjið upp 208-224-256-272-304-336 lykkjur á hringprjón 3,5 með DROPS Safran. Skiptið yfir á hringprjón 3 (uppfitjunin er gerð svona til að uppfitjunarkanturinn verði teygjanlegur). Prjónið stroffprjón (= 1 lykkja slétt, 1 lykkja brugðið) í 2 cm. Setjið 1 merki í byrjun umferðar og 1 merki eftir 104-112-128-136-152-168 lykkjur. Þessi merki merkja hliðar á fram- og bakstykki, látið merkin fylgja áfram með í stykkinu. Skiptið yfir á hringprjón 3,5 og prjónið stroffprjón þannig: * 1 lykkja slétt, 2 lykkjur brugðið, 1 lykkja slétt *, prjónið frá *-* umferðina hringinn. Haldið svona áfram með stroffprjón. ATHUGIÐ PRJÓNFESTUNA! Þegar stykkið mælist 14-14-15-15-15-15 cm – lesið MÆLING, eru settir 8 merkiþræðir í stykkið sem útskýrt er að neðan. Merkiþræðir eru settir í stykkið án þess að prjóna lykkjurnar. Látið merkiþræðina fylgja áfram með í stykkinu, merkiþræðir eru notaðir þegar fækka á lykkjum og auka út í stroffprjóni til að færa til lykkjur. Teljið 21-21-29-33-33-41 lykkjur, setjið 1. merkiþráð á undan næstu lykkju, teljið 16-16-16-16-20-20 lykkjur, setjið 2. merkiþráð á undan næstu lykkju, teljið 30-38-38-38-46-46 lykkjur, setjið 3. merkiþráð á undan næstu lykkju, teljið 16-16-16-16-20-20 lykkjur, setjið 4. merkiþráð á undan næstu lykkju, teljið 42-42-58-66-66-82 lykkjur, setjið 5. merkiþráð á undan næstu lykkju, teljið 16-16-16-16-20-20 lykkjur, setjið 6. merkiþráð á undan næstu lykkju, teljið 30-38-38-38-46-46 lykkjur, setjið 7. merkiþráð á undan næstu lykkju, teljið 16-16-16-16-20-20 lykkjur, setjið 8. merkiþráð á undan næstu lykkju. Það eru 21-21-29-33-33-41 lykkjur í umferð á eftir síðasta merkiþræði. Lesið ÚTAUKNING og ÚRTAKA-1. Haldið áfram í stroffprjóni jafnframt því sem lykkjum er fækkað og aukið út við merkiþræði þannig: Fækkið lykkjum TIL HÆGRI á undan 1. og 5. merkiþráð. Aukið út á eftir 2. og 6. merkiþráð (í 2 fyrstu skiptin eru útauknar lykkjur prjónaðar slétt, í næstu 2 skipti brugðið o.s.frv.). Aukið út á undan 3. og 7. merkiþráð (í 2 fyrstu skiptin eru útauknar lykkjur prjónaðar slétt, í næstu 2 skipti brugðið o.s.frv.) Fækkið lykkjum TIL VINSTRI eftir 4. og 8. merkiþráð. Aukið út og fækkið lykkjum í 4. hverri umferð 12-12-12-16-16-16 sinnum á hæðina. Þegar tilfærsla á lykkjum er lokið, heldur stroffprjón áfram eins og áður með sléttar lykkjur yfir sléttar lykkjur og brugðnar lykkjur yfir brugðnar lykkjur. Þegar stykkið mælist 32-33-34-35-36-37 cm – munið eftir MÆLING, prjónið 4 umferðir GARÐAPRJÓN – lesið útskýringu að ofan, yfir miðju 14-14-14-22-22-22 lykkjur í hvorri hlið (7-7-7-11-11-11 lykkjur í garðaprjóni hvoru megin við merki í hliðum). Í umferð á eftir 4 umferðir garðaprjón, fellið af fyrir handveg í hvorri hlið, þ.e.a.s. næsta umferð er prjónuð þannig: Fellið af 4-4-4-8-8-8 lykkjur fyrir handveg, haldið áfram með stroffprjón eins og áður þar til eftir eru 4-4-4-8-8-8 lykkjur á undan merki í hinni hliðinni, fellið af 8-8-8-16-16-16 lykkjur fyrir handveg, haldið áfram í stroffprjóni eins og áður þar til eftir eru 4-4-4-8-8-8 lykkjur í umferð, fellið af 4-4-4-8-8-8 lykkjur fyrir handveg. Klippið þráðinn. Framstykkið og bakstykkið er prjónað til loka fram og til baka hvort fyrir sig. Takið frá öll merki/merkiþræði. FRAMSTYKKI: = 96-104-120-120-136-152 lykkjur. Setjið 1 merkiþráð fyrir miðju að framan (á milli 2 lykkja slétt séð frá réttu). Haldið áfram í stroffprjóni fram og til baka eins og áður, en ystu 3 lykkjur í hvorri hlið eru prjónaðar í GARÐAPRJÓN – lesið útskýringu að ofan. Nú er lykkjum fækkað fyrir handveg eins og útskýrt er að neðan, jafnframt því sem lykkjum er fækkað fyrir handveg á að fækka lykkjum fyrir V-hálsmáli, lestu því allan næsta kafla áður en þú prjónar áfram. Í næstu umferð frá réttu er fækkað um 1 lykkju í hvorri hlið fyrir handveg – lesið ÚRTAKA-2. Fækkið lykkjum fyrir handveg í 4-4-2-2-2-2 hverri umferð alls 4-4-12-12-16-20 sinnum í hvorri hlið. Þegar stykkið mælist 33-34-35-36-37-39 cm og næsta umferð er prjónuð frá réttu, prjónið 2 umferðir eins og áður, en yfir miðju 10 lykkjur er prjónað sléttprjón (5 lykkjur sléttprjón hvoru megin við merkiþráðinn mitt að framan). Eftir þessar 2 umferðir skiptist stykkið fyrir V-hálsmál við merkiþráðinn og hvort stykki er prjónað til loka fyrir sig. HLUTI-1: Prjónið síðan eins og áður með 3 lykkjur í garðaprjóni við handveg og 4 lykkjur í sléttprjóni við v-hálsmál. Haldið áfram með úrtöku fyrir handveg eins og útskýrt er að ofan. Að auki er fækkað um 1 lykkju fyrir v-hálsmáli innan við 4 lykkjur sléttprjón þannig – munið eftir ÚRTAKA-2: Fækkið lykkjum svona í annarri hverri umferð alls 16 sinnum og síðan í 4. hverri umferð alls 4 sinnum. Eftir alla úrtöku fyrir handveg og v-hálsmál eru 24-28-28-28-32-36 lykkjur á öxl. Prjónið þar til stykkið mælist 50-52-54-56-58-60 cm frá uppfitjunarkanti. Prjónið 1 umferð slétt frá röngu. Fellið af með sléttum lykkjum frá réttu. HLUTI-2: Prjónið á sama hátt og HLUTI-1. BAKSTYKKI: = 96-104-120-120-136-152 lykkjur. Byrjið frá röngu og haldið áfram í stroffprjóni eins og áður með 3 lykkjur í garðaprjóni í hvorri hlið, JAFNFRAMT í næstu umferð frá réttu er lykkjum fækkað fyrir handveg í hvorri hlið á sama hátt og á framstykki = 88-96-96-96-104-112 lykkjur. Þegar stykkið mælist 47-49-51-53-55-57 cm, fellið miðju 36 lykkjur af fyrir hálsmáli og hvor öxl er prjónuð til loka fyrir sig. Haldið áfram í stroffprjóni eins og áður með 3 lykkjur í garðaprjóni við handveg. Að auki eru lykkjur felldar af fyrir hálsmáli í byrjun hverrar umferðar frá hálsmáli þannig: Fellið af 3 lykkjur 2 sinnum = 20-24-24-24-28-32 lykkjur á öxl. ATH: Það eru 4 lykkjur færri á öxl á bakstykki þar sem síðar er prjónaður I-cord kantur yfir lykkjur meðfram hálsmáli aftan í hnakka sem saumaður er við 4 lykkjur á framstykki. Prjónið þar til stykkið mælist 50-52-54-56-58-60 cm. Prjónið 1 umferð slétt frá röngu. Fellið af með sléttum lykkjum frá réttu. Prjónið hina öxlina á sama hátt. FRÁGANGUR: Saumið axlasauma innan við affellingarkantinn – byrjið sauminn yst við öxl og saumið lykkju á móti lykkju þar til 4 lykkjur eru eftir á framstykki. KANTUR Í HÁLSMÁLI AFTAN Í HNAKKA: Notið hringprjón 3,5, byrjið frá réttu við annan axlasauminn og prjónið upp ca 50 til 60 lykkjur innan við 1 kantlykju meðfram hálsmáli aftan í hnakka fram að hinum axlasaumnum. Fellið síðan af með I-CORD – lesið útskýringu að ofan. |
||||
Skýringar á teikningu |
||||
|
||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (6)
Dorota wrote:
W opisie wzoru są błędy ; W rozmiarze M liczba oczek (112 ) nie jest podzielna przez 3( 2o.lewe i 1 o. prawe) Bluzka wyglada jakby wzór był 2o prawe 1 o.lewe ,albo modelka założyła na lewą stronę 😄🤷🏼♀️ Bluzeczka bardzo mi się podoba i robię dalej modyfikując nieco wzór😅
18.04.2024 - 11:00DROPS Design answered:
Witaj Doroto, wszystko jest ok. Ściągacz wykonywany po przerobieniu 2 cm jest następujący: * 1 oczko prawe, 2 oczka lewe, 1 oczko prawe* > czyli mamy dalej ściągacz 2 oczka prawe, 2 oczka lewe. Pozdrawiamy i miłej pracy!
18.04.2024 - 11:51Carol McMillan wrote:
I read somewhere that there was a way to highlight a size in a pattern and when printed that size is highlighted to make knitting much easier. Is this true - if so I do I use this function?
16.04.2024 - 19:01DROPS Design answered:
Dear Carol, yes, it is true, you can highlight the relevant numbers for the size you are knitting at the newer patterns for now. To do this see the line just above the title that says "pattern instructions" and click on the size you want to knit. You should see the relevant numbers circled in the pattern. Happy Crafting!
16.04.2024 - 21:44Emily wrote:
Ocean flow
21.01.2024 - 14:04Mariana Thulin wrote:
Lavender
19.01.2024 - 19:53Sarinna wrote:
Ube Delight
18.01.2024 - 18:43Kari wrote:
Cornflower
18.01.2024 - 13:10