Spring Hive |
||||||||||||||||
|
|
|||||||||||||||
Prjónuð peysa úr DROPS Baby Alpaca Silk og DROPS Kid-Silk. Stykkið er prjónað í gatamynstri með ¾-löngum ermum í sléttprjóni og köntum í garðaprjóni. Stærð S - XXXL.
DROPS 223-26 |
||||||||||||||||
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. MYNSTUR: Sjá mynsturteikningu A.1 og A.2. Mynsturteikning sýnir allar umferðir í mynstri séð frá réttu. ÚTAUKNING-1 (á við um hvora hlið á framstykki, bakstykki og ermar): Öll útaukning er gerð frá réttu! Aukið út um 1 lykkju innan við 1 kantlykkju í garðaprjóni með því að slá 1 sinni uppá prjóninn. Í næstu umferð er uppslátturinn prjónaður snúinn, svo ekki myndist gat. Prjónið síðan nýjar lykkjur jafnóðum inn í A.1/A.2 á framstykki og bakstykki og í sléttprjóni á ermum. ÚRTAKA (á við um í hvorri hlið á framstykki og bakstykki): Öll úrtaka er gerð frá réttu! FÆKKIÐ LYKKJUM Á EFTIR 1 KANTLYKKJU Í GARÐAPRJÓNI ÞANNIG: Þegar lykkjur eru prjónaðar í gatamynstri. Lyftið 1 lykkju af prjóni eins og prjóna eigi slétt, prjónið 1 lykkju slétt, steypið lyftu lykkjunni yfir lykkjuna sem var prjónuð. Þegar lykkjur eru prjónaðar brugðið: Prjónið 2 lykkjur snúnar brugðið saman. FÆKKIÐ LYKKJUM Á UNDAN 1 KANTLYKKJU Í GARÐAPRJÓNI ÞANNIG: Þegar allar lykkjur eru prjónaðar í gatamynstri. Prjónið þar til 2 lykkjur eru eftir á undan kantlykkju og prjónið þessar 2 lykkjur slétt saman. Þegar lykkjur eru prjónaðar brugðið: Prjónið þar til 2 lykkjur eru eftir á undan kantlykkju og prjónið þessar 2 lykkjur brugðið saman. MÆLING: Mikilvægt er að málin eru tekin á meðan stykkið liggur flatt. Áferðin getur leitt til að stykkið dragist aðeins saman á hæðina – dragið aðeins í stykkið þegar það er mælt og passið uppá að framstykkið og bakstykkið sé jafn stórt. ÚTAUKNING-2 (jafnt yfir): Til þess að reikna út hvernig auka eigi jafnt út, teljið fjölda lykkja í umferð (t.d. 42 lykkjur), mínus kantlykkjur (t.d. 2 lykkjur) og deilið þeim 40 lykkjum sem eftir eru með fjölda útaukninga sem á að gera (t.d. 8) = 5. Í þessu dæmi er aukið út með því að slá 1 sinni uppá prjóninn á eftir 5. hverja lykkju. Í næstu umferð er uppslátturinn prjónaður snúinn, svo ekki myndist gat. AFFELLING: Til að koma í veg fyrir að affellingarkanturinn verði stífur þegar fellt er af, er hægt fella af með grófari prjónum. Ef kanturinn er enn stífur, er hægt að slá 1 sinni uppá prjóninn á eftir ca 4. hverja lykkju jafnframt því sem fellt er af (uppslátturinn er felldur af eins og venjuleg lykkja). ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Stykkið er prjónað fram og til baka á hringprjóna, í stykkjum. Framstykkið og bakstykkið er prjónað frá hlið frá horni að horni. Ermar eru prjónaðar neðan frá og upp. Stykkið er saumað saman eins og útskýrt er í uppskrift. Síðan er prjónaður kantur í garðaprjóni á annarri öxlinni, í kringum hálsmál og neðst á fram- og bakstykki. FRAMSTYKKI: Prjónað er frá neðst í vinstra horni upp efst í hægra horn, séð frá réttu. Fitjið upp 3 lykkjur á hringprjón 5 með 1 þræði í hvorri tegund (= 2 þræðir). Fyrsta umferð er prjónuð frá réttu þannig: 1 kantlykkja í GARÐAPRJÓN – sjá útskýringu að ofan, aukið út um 1 lykkju – sjá ÚTAUKNING-1, prjónið A.1 (= 1 lykkja), aukið út um 1 lykkju og endið með 1 kantlykkju í garðaprjóni. Haldið áfram með mynstur og aukið út í hvorri hlið í annarri hverri umferð (þ.e.a.s. í hverri umferð frá réttu). Þegar A.1 hefur verið prjónað til loka á hæðina (það eru núna 7 lykkjur í umferð), prjónið næstu umferð frá réttu þannig: 1 kantlykkja í garðaprjóni, aukið út um 1 lykkju eins og áður, prjónið A.2A (= 1 lykkja), prjónið A.2B (= 2 lykkjur), prjónið A.2C (= 2 lykkjur), aukið út um 1 lykkju eins og áður og endið með 1 kantlykkju í garðaprjóni. Haldið svona áfram með mynstur og aukið áfram út í hvorri hlið alveg eins upp. A.2 er endurtekið á hæðina og í hvert skipti sem A.2 hefur verið prjónað til loka, er pláss fyrir 9 mynstureiningar fleiri með A.2B á milli A.2A og A.2C. ATHUGIÐ PRJÓNFESTUNA! Prjónið svona þar til stykkið mælist 44-46-48-50-52-54 cm meðfram báðum köntum (þ.e.a.s. ekki er mælt í prjónstefnu) – sjá MÆLING. Setjið 1 prjónamerki í hvora hlið. Nú á að auka út í byrjun á umferð eins og áður og lykkjum fækkað í lok umferðar frá réttu (þetta er gert til að lykkjufjöldinn haldist stöðugur). Þ.e.a.s. prjónið þannig: Haldið áfram með A.2 eins og áður, auka á út í byrjun á hverri umferð frá réttu eins og áður og fækkið um 1 lykkju í lok hverrar umferðar frá réttu – sjá ÚRTAKA. Aukið út og fækkið lykkjum svona þar til stykkið mælist 2-4-6-8-12-16 cm frá prjónamerki í hvorri hlið. Fækkið síðan um 1 lykkju í hvorri hlið innan við 1 kantlykkju í garðaprjóni – sjá ÚRTAKA. Fækkið lykkjum svona í annarri hverri umferð (þ.e.a.s. í hverri umferð frá réttu) þar til 3 lykkjur eru eftir í umferð. Prjónið þessar 3 lykkjur slétt saman. Klippið þráðinn frá og þræðið þráðinn í gegnum lykkjuna. Framstykkið mælist ca 44-46-48-50-52-54 cm mælt meðfram stystu hliðunum (= lengd á stykki) og 46-50-54-58-64-70 cm meðfram lengstu hliðum (= breidd á stykki). Síðar á að prjóna 4 cm kant neðst á framstykki og bakstykki. Þessi kantur kemur út yfir 44-46-48-50-52-54 cm á lengdina. BAKSTYKKI: Prjónið á sama hátt og framstykki, þ.e.a.s. framstykki og bakstykki er alveg eins. ERMI: Fitjið upp 42-44-46-48-50-52 lykkjur (meðtalin 1 kantlykkja í hvorri hlið) á hringprjón 4 með 1 þræði í hvorri tegund (= 2 þræðir). Prjónið garðaprjón fram og til baka í 4 cm. Skiptið yfir á hringprjón 5. Prjónið sléttprjón með 1 kantlykkju í garðaprjóni í hvorri hlið – JAFNFRAMT í fyrstu umferð frá réttu er aukið út um 10-14-18-18-22-26 lykkjur jafnt yfir – sjá ÚTAUKNING-2 = 52-58-64-66-72-78 lykkjur. Þegar stykkið mælist 6 cm í öllum stærðum, aukið út um 1 lykkju í hvorri hlið – sjá ÚTAUKNING-1. Aukið svona út í hvorri hlið með 1½ cm millibili alls 23-22-21-21-20-19 sinnum í hvorri hlið = 98-102-106-108-112-116 lykkjur. Prjónið áfram þar til ermin mælist 40-39-38-38-36-34 cm (það er styttra mál í stærri stærðum vegna breiðari axla). Fellið nú af 16-16-16-18-18-18 lykkjur í byrjun á hverri umferð alls 2 sinnum í hvorri hlið = 34-38-42-36-40-44 lykkjur eftir. Fellið af – sjá AFFELLING! Ermin mælist ca 42-41-40-40-38-36 cm ofan frá og niður. Prjónið hina ermina á sama hátt. FRÁGANGUR-1: Leggið framstykkið og bakstykkið saman. Merkið op fyrir hálsmál ca 24-26-26-28-28-30 cm. Það eru ca 11-12-14-15-18-20 cm eftir í hvorri hlið fyrir öxl. Saumið annan axlasauminn innan við 1 kantlykkju í garðaprjóni – saumið frá prjónamerki við hálsmál og út að hlið. KANTUR FYRIR TÖLUR OG HNAPPAGÖT Á ÖXL: Prjónið smá kant í garðaprjóni meðfram annarri öxlinni, bæði á framstykki og bakstykki. Hér á að hneppa tölum. Byrjið á framstykki og prjónið upp frá réttu innan við 1 kantlykkju, ca 20-22-26-26-32-36 lykkjur meðfram öl á hringprjón 4 með 1 þræði í hvorri tegund. Prjónið 1 umferð slétt frá röngu. Prjónið 1 umferð slétt frá réttu þar sem fellt er af fyrir 2 hnappagötum jafnt yfir. 1 HNAPPAGAT = Fellið af 2 lykkjur og fitjið upp 2 nýjar lykkjur í næstu umferð yfir þær lykkjur sem felldar voru ef frá fyrri umferð. Prjónið 1 umferð slétt frá röngu. Fellið af með sléttum lykkjum frá réttu. Prjónið á sama hátt kant á öxl á bakstykki, en ekki fella af fyrir hnappagötum á bakstykki. KANTUR Í HÁLSMÁLI: Byrjið frá réttu við öxl á bakstykki og prjónið upp innan við 1 kantlykkju ca 90 til 112 lykkjur í kringum hálsmál og meðfram skammhlið á kanti yfir hnappagöt og tölur á hringprjón 4 með 1 þræði í hvorri tegund. Prjónið garðaprjón fram og til baka í 2 cm, en eftir ca ½ cm er fellt af fyrir 1 hnappagati í kanti í hálsmáli þegar eftir eru 4 lykkjur í umferð frá réttu. Þegar kantur í hálsmáli hefur verið prjónaður til loka, fellið af með sléttum lykkjum frá réttu – sjá AFFELLING! Saumið tölur í. KANTUR Í GARÐAPRJÓNI NEÐST Á FRAM- OG BAKSTYKKI: Byrjið á framstykki og prjónið upp frá réttu innan við 1 kantlykkju, ca 86-94-102-110-122-132 lykkjur meðfram neðri kanti á hringprjón 4 með 1 þræði í hvorri tegund. Prjónið garðaprjón fram og til baka í 4 cm. Fellið af með sléttum lykkjum frá réttu – munið eftir AFFELLING! Prjónið kant á sama hátt neðst á bakstykki. FRÁGANGUR-2: Setjið 1 prjónamerki 29-30-31-32-33-34 cm frá öxl og niður í hvorri hlið á framstykki og bakstykki. Prjónamerkin merkja dýpt á handveg. Saumið ermar í á milli þessa prjónamerkja – saumið innan við 1 kantlykkju í garðaprjóni og passið uppá að saumurinn verði ekki stífur. Saumið sauma undir ermum og hliðarsauma í eitt innan við 1 kantlykkju – byrjið yst á ermi og saumið niður meðfram framstykki og bakstykki, en endið sauminn þar sem kantur í garðaprjóni byrjar neðst á fram- og bakstykki, þannig að það myndist smá klauf í hvorri hlið. Peysan mælist ca 48-50-52-54-56-58 cm frá öxl og niður. |
||||||||||||||||
Skýringar á teikningu |
||||||||||||||||
|
||||||||||||||||
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (8)
Dee wrote:
Hallo, er staat dat garengroep C ook kan gebruikt worden. kan ook bv. Drops Brushed alpaca silk? Of welke andere geeft hetzelfde effect als baby Alpaca silk (deze is uitverkocht). dank u wel
05.03.2024 - 10:11DROPS Design answered:
Dag Dee,
De trui wordt met 2 draden Baby Alpaca Silk gebreid, dus 2 draden van dikte A. Waarschijnlijk komt Alpca of Flora het meest in de buurt. Brushed Alpaca Silk heeft een ander effect.
05.03.2024 - 22:29Valentina wrote:
Cosa significa capo di qualità? È sinonimo di maglia a vivagno? Grazie dell'attenzione, cordiali saluti. Valentina
18.10.2021 - 22:25DROPS Design answered:
Buonasera Valentina, con 1 capo di ogni qualità si intende 1 filo per ognuno dei 2 filati utilizzati. Buon lavoro!
19.10.2021 - 23:14Ranjana wrote:
Hi, how can I convert the pattern to a XS size? I want to knit this beautiful sweater for my 12 yr grand daughter. Thanks for your help.
13.05.2021 - 04:21DROPS Design answered:
Hi Ranjana, unfortunately we are not able to adjust our patterns to any individual requests. Should you need any individual assistance, please contact the store where you bought the yarn, even per mail or telephone. Happy knitting!
13.05.2021 - 15:46Silvia wrote:
è molto bello! Peccato che, per il momento, non si veda il diagramma da seguire e l'immagine del modello con le misure
09.04.2021 - 09:49DROPS Design answered:
Buonasera Silvia, durante la giornata ci sono stati alcuni problemi di visualizzazione delle immagini, al momento per fortuna risolti. Buon lavoro!
09.04.2021 - 22:48Christina Zeidler wrote:
Sommerwind
20.01.2021 - 13:03Eva wrote:
Rejoice
10.01.2021 - 23:37Valeria wrote:
Fresco ed originale. Sarà il prossimo che realizzerò
08.01.2021 - 09:16Anna wrote:
Elegant Sky
07.01.2021 - 20:09