Autumn Pathways |
|
|
|
Prjónuð peysa með laskalínu úr DROPS Air. Stykkið er prjónað með v-hálsmáli og klauf í hliðum. Stærð S - XXXL.
DROPS 216-11 |
|
------------------------------------------------------- UPPLÝSINGAR FYRIR MYNSTUR: ------------------------------------------------------- GARÐAPRJÓN (prjónað fram og til baka): Lykkjurnar eru prjónaðar slétt í öllum umferðum. ÚRTAKA (jafnt yfir): Til þess að reikna út hvernig fækka eigi lykkjum jafnt í umferð, teljið fjölda lykkja í umferð (t.d. 45 lykkjur), deilið þessum lykkjufjölda með fjölda úrtöku sem á að gera (t.d. 8) = 5,6. Í þessu dæmi þá er lykkjum fækkað með því að prjóna til skiptis 4. og 5. hverja lykkju og 5. og 6. hverja lykkju slétt saman. ÚTAUKNING (á við um ermar): Prjónið þar til 2 lykkjur eru eftir á undan prjónamerki, sláið 1 sinni uppá prjóninn, prjónið 4 lykkjur (prjónamerki situr mitt á milli þessa lykkja), sláið 1 sinni uppá prjóninn. Í næstu umferð er uppslátturinn prjónaður snúinn slétt svo ekki myndist gat. Prjónið síðan nýjar lykkjur í sléttprjóni. LASKALÍNA: Lykkjum er fækkað um 2 lykkjur í hverri skiptingu á milli fram- og bakstykkis og erma þannig: Prjónið þar til 1 lykkja er eftir á undan lykkju með prjónamerki í, lyftið 2 lykkjum af prjóni eins og prjóna eigi slétt saman, 1 lykkja slétt, steypið 2 lyftu lykkjunum yfir lykkjuna sem var prjónuð (= 2 lykkjur færri). HNAPPAGAT: Fellið af fyrir hnappagötum í hægri kanti að framan (þegar flíkin er mátuð). 1 hnappagat: Sláið 1 sinni uppá prjóninn, prjónið næstu 2 lykkjur slétt saman. Í næstu umferð er uppslátturinn prjónaður slétt svo það myndist gat. Fellið af fyrir fyrsta hnappagatinu þegar kantur að framan mælist 5 cm frá neðst á fram- og bakstykki (= í skiptingunni á milli stroffs og einingar með sléttprjóni á fram- og bakstykki), fellið síðan af fyrir næstu 3 hnappagötum með ca 8 cm millibili. ------------------------------------------------------- BYRJIÐ Á STYKKI HÉR: ------------------------------------------------------- PEYSA - STUTT ÚTSKÝRING Á STYKKI: Framstykkin og bakstykki er prjónað fram og til baka hvert fyrir sig þar til stroffið neðst hefur verið prjónað til loka. Síðan eru öll stykkin sett á sama hringprjón og prjónað er fram og til baka frá miðju að framan upp að handveg. Ermar eru prjónaðar í hring á sokkaprjóna/stuttan hringprjón. Síðan eru ermarnar settar á sama hringprjón og fram- og bakstykki og berustykkið er prjónað fram og til baka frá miðju að framan. Að lokum eru fitjaðar upp lykkjur fyrir kant að framan og kant í hálsmáli sem er prjónað fram og til baka. BAKSTYKKI: Fitjið upp 91-101-109-117-129-141 lykkjur (meðtalin 1 kantlykkja í garðaprjóni í hvorri hlið) á hringprjón 4 með Air. Prjónið 1 umferð brugðið frá röngu. Prjónið síðan stroff þannig: UMFERÐ 1 (rétta): 1 kantlykkja GARÐAPRJÓN – sjá útskýringu að ofan, * prjónið 1 lykkju snúna slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju snúna slétt og endið með 1 kantlykkju garðaprjón. UMFERÐ 2 (ranga): 1 kantlykkja garðaprjón * prjónið 1 lykkju snúna brugðið, 1 lykkju slétt *, prjónið frá *-* þar til 2 lykkjur eru eftir í umferð, prjónið 1 lykkju snúna brugðið og endið með 1 kantlykkju garðaprjón. Endurtakið umferð 1 og 2 þar til stroffið mælist 5 cm. Klippið frá, geymið stykkið og prjónið framstykki. VINSTRA FRAMSTYKKI: Fitjið upp 47-51-55-59-65-71 lykkjur (meðtalin 1 kantlykkja garðaprjón í hvorri hlið) á hringprjón 4 með Air. Prjónið 1 umferð brugðið frá röngu. Prjónið síðan stroff þannig: UMFERÐ 1 (rétta): 1 kantlykkja garðaprjón, * prjónið 1 lykkju snúna slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju snúna slétt og endið með 1 kantlykkju garðaprjón. UMFERÐ 2 (ranga): 1 kantlykkja garðaprjón * prjónið 1 lykkju snúna brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju snúna brugðið og endið með 1 kantlykkju garðaprjón. Endurtakið umferð 1 og 2 þar til stroffið mælist 5 cm. Klippið frá, geymið stykkið og prjónið hægra framstykki. HÆGRA FRAMSTYKKI: Prjónið á sama hátt og vinstra framstykki þar til stykkið mælist 5 cm – stillið af að endað sé eftir umferð frá röngu. Ekki klippa þráðinn frá. FRAM- OG BAKSTYKKI: Prjóni nú stykkin saman. Prjónið yfir hægra framstykki frá réttu þannig: 1 kantlykkja garðaprjón, sléttar lykkjur yfir næstu 45-49-53-57-63-69 lykkjur og fækkið jafnframt um 8-9-10-10-11-12 lykkjur jafnt yfir þessar lykkjur, prjónið síðustu lykkjuna á hægra framstykki slétt saman með fyrstu lykkju á bakstykki (= 1 lykkja færri), prjónið sléttar lykkjur yfir næstu 89-99-107-115-127-139 lykkjur á bakstykki og fækkið jafnframt um 17-21-23-23-25-27 lykkjur jafnt yfir, prjónið síðustu lykkjuna á bakstykki slétt saman með fyrstu lykkju á vinstra framstykki (= 1 lykkja færri), prjónið sléttar lykkjur yfir næstu 45-49-53-57-63-69 lykkjur og fækkið jafnframt um 8-9-10-10-11-12 lykkjur jafnt yfir þessar lykkjur, prjónið síðustu lykkjuna í sléttprjóni = 150-162-174-190-210-230 lykkjur. Skiptið yfir á hringprjón 5,5. Haldið áfram fram og til baka í sléttprjóni og 1 kantlykkju í garðaprjóni í hvorri hlið við miðju að framan. ATHUGIÐ PRJÓNFESTUNA! Þegar stykkið mælist 27-27-28-28-28-28 cm frá uppfitjunarkanti, fellið af lykkjur fyrir handveg í hvorri hlið þannig: Prjónið fyrstu 34-37-39-43-47-51 lykkjur eins og áður (= hægra framstykki), fellið af næstu 8-8-10-10-12-14 lykkjur (= handvegur), prjónið næstu 66-72-76-84-92-100 lykkjur (= bakstykki), fellið af næstu 8-8-10-10-12-14 lykkjur (= handvegur), prjónið síðustu 34-37-39-43-47-51 lykkjur (= vinstra framstykki). Klippið frá, geymið stykkið og prjónið ermar. ERMI: Fitjið upp 46-48-50-52-52-56 lykkjur á sokkaprjóna 4 með Air. Prjónið nú hringinn þannig: Prjónið 1 umferð slétt. Prjónið síðan stroff (= 1 lykkja snúin slétt, 1 lykkja brugðið) hringinn í 5 cm. Prjónið 1 umferð slétt þar sem fækkað er um 8-8-8-8-8-10 lykkjur jafnt yfir = 38-40-42-44-44-46 lykkjur. Skiptið yfir á sokkaprjóna 5,5. Setjið eitt prjónamerki í byrjun á umferð (= mitt undir ermi). Prjónamerkið á að fylgja með í stykkinu og er notað síðar þegar auka á út undir ermi. Prjónið sléttprjón hringinn. Þegar stykkið mælist 11-10-10-10-7-7 cm frá uppfitjunarkanti, aukið út um 1 lykkju hvoru megin við prjónamerkið – sjá ÚTAUKNING. Aukið svona út með ca 3-3-2½-2-2-2 cm millibili alls 10-10-12-13-15-15 sinnum = 58-60-66-70-74-76 lykkjur. Þegar ermin mælist 42-41-41-39-39-38 cm, fellið af 8-8-10-10-12-14 lykkjur undir ermi (þ.e.a.s. 4-4-5-5-6-7 lykkjur hvoru megin við prjónamerkið) = 50-52-56-60-62-62 lykkjur. Klippið frá, geymið stykkið og prjónið hina ermina á sama hátt. BERUSTYKKI: Setjið ermar á sama hringprjóna og fram- og bakstykki þar sem lykkjur voru felldar af fyrir handveg = 234-250-266-290-310-326 lykkjur. Prjónið fyrstu umferð frá réttu þannig: 1 kantlykkja garðaprjón, sléttar lykkjur yfir næstu 30-32-34-38-41-44 lykkjur, prjónið 1 lykkju slétt og setjið 1 prjónamerki í þessa lykkju, prjónið sléttar lykkjur yfir næstu 54-58-62-66-70-72 lykkjur (= ermi), prjónið 1 lykkju slétt og setjið 1 prjónamerki í þessa lykkju, prjónið sléttar lykkjur yfir næstu 60-64-68-76-82-88 lykkjur (= bakstykki), prjónið 1 lykkju slétt og setjið 1 prjónamerki í þessa lykkju, prjónið sléttar lykkjur yfir næstu 54-58-62-66-70-72 lykkjur (= ermi), prjónið 1 lykkju slétt og setjið 1 prjónamerki í þessa lykkju, prjónið sléttar lykkjur yfir næstu 30-32-34-38-41-44 lykkjur, 1 kantlykkja garðaprjón (= vinstra framstykki). Lykkjur með prjónamerki í merkja skiptingu á milli fram- og bakstykki og ermar. Haldið áfram fram og til baka í sléttprjóni og 1 kantlykkju í garðaprjóni í hvorri hlið við miðju að framan. Fækkið síðan lykkjum fyrir laskalínu og V-hálsmáli eins og útskýrt er að neðan. LASKALÍNA: Þegar prjónaðar hafa verið 4-4-2-2-2-2 umferðir á berustykki, byrjar úrtaka fyrir LASKALÍNA – sjá útskýringu að ofan. Fækkið lykkjum svona í annarri hverri umferð alls 19-21-23-25-27-29 sinnum. V-HÁLSMÁL: Þegar prjónaðar hafa verið 2-4-4-4-4-4 umferðir á berustykki, byrjar úrtaka fyrir v-hálsmáli. Fækkið lykkjum frá réttu þannig: Prjónið 1 kantlykkju garðaprjón, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir síðustu lykkjuna sem var prjónuð (= 1 lykkja færri), prjónið þar til 3 lykkjur eru eftir í umferð, prjónið 2 lykkjur slétt saman (= 1 lykkja færri), prjónið 1 kantlykkju garðaprjón. Fækkið lykkjum aftur svona eftir 7 umferð og síðan í 4. hverri umferð 8-9-9-10-11-12 sinnum = alls 10-11-11-12-13-14 úrtökur fyrir V-hálsmáli í hvorri hlið. Þegar öll úrtaka hefur verið gerð fyrir laskalínu og v-hálsmáli, eru 62-60-60-66-68-66 lykkjur eftir í umferð. Næsta umferð frá réttu er prjónuð þannig: 1 kantlykkja garðaprjón, lyftið 1 lykkju af prjóni eins og prjóna eigi slétt, 1 lykkja slétt, steypið lyftu lykkjunni yfir (= 1 lykkja færri), prjónið sléttar lykkjur yfir næstu 56-54-54-60-62-60 lykkjur – fækkið jafnframt um 12-8-8-12-13-9 lykkjur jafnt yfir, prjónið næstu 2 lykkjur slétt saman (= 1 lykkja færri), 1 kantlykkja garðaprjón = 48-50-50-52-53-55 lykkjur. Fellið af. HÆGRI KANTUR AÐ FRAMAN: Byrjið frá réttu neðst á hægra framstykki með hringprjón 4 og prjónið upp 123 til 147 lykkjur (lykkjufjöldinn verður að vera deilanlegur með 2 + 1 lykkja) innan við 1 kantlykkju garðaprjón meðfram fram- og bakstykki og alveg upp að miðju aftan á bakstykki. Prjónið 1 umferð brugðið frá röngu – aukið út með uppslætti nákvæmlega þar sem fyrsta úrtaka fyrir V-hálsmáli byrjaði með því að prjóna þannig: * 1 lykkja brugðið, sláið 1 sinni uppá prjóninn *, prjónið frá *-* 2 sinnum (= 2 lykkjur fleiri) – í næstu umferð er uppslátturinn prjónaður snúinn svo ekki myndist gat. Prjónið nú stroff frá réttu þannig: UMFERÐ 1 (rétta): Prjónið 1 kantlykkju garðaprjón, * prjónið 1 lykkju snúna slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju snúna slétt og endið með 1 kantlykkju garðaprjón. UMFERÐ 2 (ranga): Prjónið 1 kantlykkju garðaprjón * prjónið 1 lykkju snúna brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju snúna brugðið og endið með 1 kantlykkju garðaprjón. Endurtakið umferð 1 og 2 þar til kantur að framan mælist 1-1½ cm. Fellið nú af fyrir HNAPPAGAT – sjá útskýringu að ofan. Haldið áfram með stroff þar til kantur að framan mælist alls 3-3½ cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. VINSTRI KANTUR AÐ FRAMAN: Prjónið upp 123 til 147 lykkjur (lykkjufjöldinn verður að vera deilanlegur með 2 + 1 lykkja) frá réttu innan við 1 kantlykkju garðaprjón, með byrjun frá miðju aftan á bakstykki og niður meðfram vinstra framstykki. Prjónið 1 umferð brugðið frá röngu – aukið út með uppslætti nákvæmlega þar sem fyrsta úrtaka fyrir V-hálsmáli byrjaði með því að prjóna þannig: * 1 lykkja brugðið, sláið 1 sinni uppá prjóninn *, prjónið frá *-* 2 sinnum (= 2 lykkjur fleiri) – í næstu umferð er uppslátturinn prjónaður snúinn svo ekki myndist gat. Prjónið nú stroff frá réttu þannig: UMFERÐ 1 (rétta): Prjónið 1 kantlykkju garðaprjón, * prjónið 1 lykkju snúna slétt, 1 lykkja brugðið *, prjónið frá *-* þar til 2 lykkjur eru eftir í umferð, prjónið 1 lykkju snúna slétt og endið með 1 kantlykkju garðaprjón. UMFERÐ 2 (ranga): Prjónið 1 kantlykkju garðaprjón * prjónið 1 lykkju snúna brugðið, 1 lykkja slétt *, prjónið frá *-* þar til 2 lykkjur eru eftir í umferð, prjónið 1 lykkju snúna brugðið og endið með 1 kantlykkju garðaprjón. Endurtakið umferð 1 og 2 þar til kantur að framan mælist 3-3½ cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur. FRÁGANGUR: Saumið saman kant að framan að miðju aftan í hnakka innan við 1 kantlykkju garðaprjón. Saumið tölur í vinstri kant að framan. Saumið saman op undir ermum. |
|
Hefur þú gert þessa eða einhverja af annarri hönnun frá okkur? Merktu myndirnar þínar á samfélagsmiðlum með #dropsdesign svo að við séð þær! Vantar þig aðstoð með þetta mynstur?Þú finnur kennslumyndbönd, dálk með athugasemdum/spruningum og fleira með því að skoða mynstrið á garnstudio.com © 1982-2024 DROPS Design A/S. Við áskiljum okkur öll réttindi. Þetta skjal ásamt öllum undirhlutum þess, hefur höfundarétt. Lestu meira varðandi hvað þú mátt gera við mynstrin okkar neðst á hverju mynstri á síðunni okkar. |
Athugasemdir / Spurningar (39)
Inge wrote:
Prachtig, precies wat ik zoek.
25.09.2020 - 12:43Gitte wrote:
Sød og enkel kan sættes sammen med flere forskellige dress . Den skal på pindene snarest 👍
24.09.2020 - 11:08Franzi wrote:
Sehr sehr schön!!! ... hoffentlich wird die Anleitung bald eingestellt :-)
21.09.2020 - 18:30Hannie wrote:
Naar zo iets was ik op zoek vind het een mooi vest.
19.09.2020 - 20:27Silke wrote:
Sehr schön. Kann ich mir als Pullover auch sehr gut vorstellen.
11.09.2020 - 19:50Dorthe wrote:
Hvornår kommer opskriften
28.08.2020 - 11:17Dorthe wrote:
Hvornår kommer opskriften
27.08.2020 - 12:32Sandrine wrote:
Brownie
10.08.2020 - 16:17Susana wrote:
Beautiful!
11.06.2020 - 14:15