Langar þig til að læra hvernig á að prjóna einfalda húfu í stroffprjóni? Þú getur fylgt þessum leiðbeiningum sem sýna þér skref-fyrir-skref hvernig á að prjóna húfuna okkarSun By The Water (DROPS 204-8).
Ertu með einhverjar spurningar? Skrifaðu spurningarnar þínar í athugasemdareitinn neðst á síðunni og við munum hafa samband við þig eins fljótt og auðið er!
Stærð: S/M – M/L
Höfuðmál: ca 54/56 – 56/58 cm
(Við prjónum stærð S/M í þessum leiðbeiningum, sem er auðkennt með feitletrun.)
Garn: DROPS SKY frá Garnstudio (tilheyrir garnflokki B).
50-100 grömm litur nr 17, karrí
Prjónfesta: 23 lykkjur á breidd og 32 umferðir á hæð með sléttprjóni = 10 x 10 cm. ATH: Stroffprjónið dregur stykkið saman á breiddina.
Prjónar:
DROPS SOKKAPRJÓNAR NR 3.
DROPS HRINGPRJÓNN NR 3: Lengd 40 cm.
Prjónastærð er einungis til leiðbeiningar. Ef þú ert með of margar lykkjur á 10 cm, skiptu yfir í grófari prjóna. Ef þú ert með of fáar lykkjur á 10 cm, skiptu yfir í fínni prjóna.
Stykkið er prjónað í hring á hringprjón, neðan frá og upp. Skiptið yfir á sokkaprjóna eftir þörf.
Fitjið upp 124-128 lykkjur á stuttan hringprjón 3 með Sky. Prjónið 1 umferð brugðið.
Prjónið síðan í stroffprjóni hringinn (= 2 lykkjur slétt, 2 lykkjur brugðið).
Þegar stykkið mælist 25-26 cm frá uppfitjunarkanti byrjar úrtakan.
1.UMFERÐ: Fækkið allar 2 lykkjur brugðið til 1 lykkja brugðið (prjónið 2 lykkjur brugðið saman) = 93-96 lykkjur.
2.-3.UMFERÐ: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur.
4.UMFERÐ: Fækkið allar 2 lykkjur slétt til 1 lykkja slétt (prjónið 2 lykkjur slétt saman) = 62-64 lykkjur.
5.-6.UMFERÐ: Prjónið sléttar lykkjur yfir sléttar lykkjur og brugðnar lykkjur yfir brugðnar lykkjur.
7.UMFERÐ: Prjónið allar lykkjur slétt saman 2 og 2 = 31-32 lykkjur.
8.-9.UMFERÐ: Prjónið slétt.
10.UMFERÐ: Prjónið allar lykkjur slétt saman 2 og 2 þar til eftir er 1-0 lykkja, prjónið þær lykkjur sem eftir eru slétt = 16-16 lykkjur.
11.UMFERÐ: Prjónið slétt.
12.UMFERÐ: Prjónið allar lykkjur slétt saman 2 og 2 = 8-8 lykkjur.
Klippið frá, þræðið þráðinn í gegnum þær lykkjur sem eftir eru, herðið á þráðinn og festið enda.
Nú er húfan tilbúin! Húfan mælist ca 29-30 cm frá uppfitjunarkanti. Brettið uppá neðstu ca 5 cm.
Deildu endilega myndum af húfunni á samfélagsmiðlum með myllumerkinu #sunbythewaterhat þá getum við séð þær - eða sendu myndir af verkefninu í #dropsfan gallery
Ef þig vantar frekari upplýsingar varðandi mismunandi prjón á lykkjum eða aðferð, þá er hér listi yfir kennsluleiðbeiningar og kennslumyndbönd til aðstoðar: