Nú þurfum við að gera peysuna klára til að geta knúsað einhvern, við þurfum að prjóna ermarnar!
Þú finnur uppskriftina hér að neðan í þeirri stærð sem þú prjónar, mundu að þú getur fengið aðstoð, þú finnur kennsluleiðbeiningar og kennslumyndbönd neðst á síðunni eða þú getur skrifað okkur línu neðst á síðustunni.
Stærð: 2 - 3/4 - 5/6 - 7/8 - 9/10 - 11/12 ára
Stærð (hæð í cm): 92 - 98/104 - 110/116 - 122/128 - 134/140 - 146/152
UPPLÝSINGAR FYRIR MYNSTUR:
ÚTAUKNING (á við um miðju undir ermi):
Byrjið 1 lykkju á undan prjónamerki, sláið 1 sinni uppá prjóninn, prjónið 2 lykkjur slétt (prjónamerki er staðsett mitt í þessum 2 lykkjum), sláið 1 sinni uppá prjóninn. Í næstu umferð er uppslátturinn prjónaður snúinn slétt svo að ekki myndist gat. Prjónið síðan nýjar lykkjur með sléttprjóni.
ERMI:
Ermarnar eru prjónaðar í hring á sokkaprjóna /hringprjóna neðan frá og upp.
Fitjið upp 28-28-32-32-32-36 lykkjur á sokkaprjón 4 með rauður (litur a). Prjónið 1 umferð slétt. Prjónið síðan stroff hringinn (= 2 lykkjur slétt, 2 lykkjur brugðnar) í 2-2-2-3-3-3 cm. Skiptið yfir á sokkaprjón 5. Setjið 1 prjónamerki í byrjun á umferð (= mitt undir ermi). Prjónamerki á að nota síðar þegar aukið er út undir ermi. Prjónið sléttprjón hringinn. Þegar stykkið mælist 6-6-6-6-8-8 cm er aukið út um 2 lykkjur mitt undir ermi – sjá ÚTAUKNING. Aukið svona út með 3½-3-3½-3½-3-3½ cm millibili alls 6-8-8-9-11-11 sinnum = 40-44-48-50-54-58 lykkjur. Prjónið síðan áfram þar til stykkið mælist 26-30-34-38-42-46 cm (eða að óskaðri lengd). Fellið laust af. Prjónið hina ermina alveg eins.
Stærð: S - M - L - XL - XXL - XXXL
UPPLÝSINGAR FYRIR MYNSTUR:
ÚTAUKNING (á við um laskalínu):
Öll útaukning er gerð frá réttu!
Prjónið 1 kantlykkju með garðaprjóni, prjónið 1 lykkju slétt, sláið 1 sinni uppá prjóninn, prjónið þar til 2 lykkjur eru eftir, sláið 1 sinni uppá prjóninn, prjónið 1 lykkju slétt, 1 kantlykkja með garðaprjóni. Í næstu umferð er uppslátturinn prjónaður snúinn brugðinn svo að ekki myndist gat. Prjónið síðan nýjar lykkjur með sléttprjóni.
ÚRTAKA (á við um ermar):
Öll úrtaka er gerð frá réttu!
Fækkið lykkjum á eftir 1 kantlykkju þannig: Takið 1 lykkju óprjónaða eins og prjóna eigi hana slétt, prjónið 1 lykkju slétt, steypið óprjónuðu lykkjunni yfir lykkjuna sem var prjónuð.
Fækkið lykkjum á undan 1 kantlykkju þannig: Byrjið 2 lykkjum á undan kantlykkju og prjónið 2 lykkjur slétt saman.
ERMI:
Ermarnar eru prjónaðar fram og til baka á hringprjón ofan frá og niður.
Fitjið upp 14 lykkjur (meðtalin 1 kantlykkja á hvorri hlið) á hringprjón 5,5 með rauður (litur a). Prjónið 1 umferð brugðna frá röngu. Prjónið síðan sléttprjón með 1 kantlykkju með garðaprjóni á hvorri hlið. JAFNFRAMT í fyrstu umferð frá réttu er aukið út um 1 lykkju í hvorri hlið – munið eftir ÚTAUKNING. Aukið svona út í annarri hverri umferð alls 19-21-23-24-24-25 sinnum = 52-56-60-62-62-64 lykkjur.
Prjónið síðan áfram með sléttprjóni þar til ermin mælist 20-21-23-25-27-29 cm. Fitjið nú upp 4-5-5-5-7-9 nýjar lykkjur fyrir handveg í lok næstu 2 umferða = 60-66-70-72-76-82 lykkjur.
HÉÐAN ER NÚ MÆLT! Haldið áfram með sléttprjóni með 1 kantlykkju með garðaprjóni á hvorri hlið. Þegar stykkið mælist 4 cm er fækkað um 1 lykkju á hvorri hlið – sjá ÚRTAKA. Fækkið lykkjum svona með ca 2.-2.-2.-1.-1.-1. cm millibili 4-13-15-7-12-14 sinnum og síðan með 3.-3.-3.-2.-2.-2. cm millibili 9-2-1-10-6-6 sinnum = 34-36-38-38-40-42 lykkjur. Haldið áfram þar til ermin mælist 40-39-38-36-34-33 cm. Aukið nú út um 4-6-4-4-6-8 lykkjur jafnt yfir = 38-42-42-42-46-50 lykkjur. Skiptið yfir á hringprjón 4,5 og prjónið stroff frá réttu þannig: 1 kantlykkja með garðaprjóni, (2 lykkjur slétt, 2 lykkjur brugðnar) þar til 1 lykkja er eftir á prjóni, 1 kantlykkja með garðaprjóni. Haldið svona áfram þar til stroffið mælist 4 cm. Fellið af með sléttum lykkjum yfir sléttar lykkjur og brugðnum lykkjum yfir brugðnar lykkjur – passið uppá að affellingarkanturinn verði ekki stífur. Prjónið aðra ermi alveg eins.
Nú eru báðar ermarnar klárar!
Vertu með okkur í næstu viku og þá klárum við peysuna. Við sýnum þér hvernig þú átt að sauma stykkin saman og gera andlitið á Rúdólfi klárt!
Hér er listi yfir kennsluleiðbeiningar og kennslumyndbönd sem nýtast þér við ermarnar!>
Yasmin wrote:
Olá obrigada!
22.08.2019 - 22:03